АқпаратЕлордада Ербол Іргебай атындағы дәрісхана ашылды

Елордада Ербол Іргебай атындағы дәрісхана ашылды

 

АСТАНА. KazUnite – Тілдер мерекесіне орай Астана қаласында тіл жанашыры, қайымтанушы ғалым, ұлағатты ұстаз Ербол Іргебай (1962-2021) атындағы дәрісхана ашылды.

Шараға жазушы, филология ғылымдарының докторы, алаштанушы ғалым Тұрсын Жұртбай, Оқу-ағарту министрлігі Орта білім беру департаменті төрағасының орынбасары Дулат Жекебаев, Л.Н.Гумилев атындағы Еуразия ұлттық университеті қазақ әдебиеті кафедрасының меңгерушісі Қайырбек Кемеңгер, композитор Кентау Назарбек, қалалық білім беру қызметкерлері, кәсіподақ ұйымының басшысы Батыр Әлиұлы, Астана қаласы бойынша әдістемелік орталық әдіскері Күнімбала Баяхметбаева, Ербол Ісләмұлының үзеңгілес достары, ардагер ұстаздар Жұмағазы Әзенұлы, Гамиль Магажирұлы, ғылым докторы Берікхан Ісбекұлы, ақын Бекмұрат Өмірбекұлы және Ербол Іргебайдың зайыбы Қымбат Мұқанқызы мен балалары, туыстары қатысты.

Фотода Ербол Іргебайдың отбасы мен туыстары

Елордадағы Әлкей Марғұлан атындағы №40 мектеп-лицейінде ашылған дәрісхана Ербол Іргебайдың ұстаздық еткен жылдарындағы еңбектерімен толықты.

Шара барысында Тұрсын Жұртбай жиналғандарға Абай туралы дәріс оқыды. Рухани кеште Ербол Іргебайдың ұстаздық жолындағы еңбектері айтылып, өмірі мен шығармашылық қызметі жайында бейнеролик көрсетілді.

№40 мектеп-лицейінің директоры Сәуле Үйсімбаева аталған білім ордасын болашақта ұлттық мектепке айналдыруды мақсат тұтып отырғанын атап өтті.

Бұл мектепті Ербол Іргебай 2005-2018 жылдары басқарған болатын. Осы жылдар ішінде мектеп білім сапасы бойынша Астанадағы ең жоғары көрсеткішке қол жеткізген.

Ұлағатты ұстаздың жас мамандарға айтқан өсиеті туралы мақаланы осы сілтемеден оқи аласыздар.

 

Соңғы жазбалар

ГРАФ МОНТЕ-КРИСТО – КЕШІГІП ҚАЙТҚАН КЕК

0
НЬЮ-ЙОРК. KazUnite - Кездейсоқ қазынаға тап болған адамның ақшасы көбінесе қолға ұстаған мұз тәрізді еріп кетеді. Ал мақсаты бар адамның қолында ол мүмкіндіктер мен...

Қасым-Жомарт Тоқаевтың Нью-Йорк қаласындағы жұмыс сапары басталды

0
НЬЮ-ЙОРК. KazUnite - Қасым-Жомарт Тоқаевтың Нью-Йорк қаласындағы жұмыс сапары басталды. Сапар барысында ол БҰҰ Бас Ассамблеясы 78-сессиясының Жалпы дебатында сөз сөйлейді. Сондай-ақ ҚР Президенті «Орталық...

Орталық Азия мен Кавказ елдерінің үкімет өкілдері Корея Республикасының озық цифрлық тәжірибесін зерделеуде

0
Орталық Азия және Кавказдың жеті елінен келген 20-дан астам мемлекеттік қызметшіден тұратын делегация мемлекеттік басқару мен мемлекеттік қызметтерді табысты цифрлық трансформациялау үшін озық тәжірибелер,...

Бәсекелесі жоқ бизнес – кәсіпкер Кемелбек Әбдуәлімен сұхбат

0
KazUnite - Халық тұрмысында мал терілерін қарапайым жолмен ұқсату – көптен бері келе жатқан кәсіптің бірі. Халық өнеркәсіпшілігіне аса мән берген қазақ халқы тері...

Нью-Йоркте тұратын қазақ қызы Семей маңындағы ауылына сәлем жолдады

0
НЬЮ-ЙОРК. KazUnite - «Америкадағы өмір салт-дәстүрге, қазақтың ұлттық құндылығын тереңірек тануға деген қызығушылықты арттырды». Бұл туралы Нью-Йоркте тұратын қазақ қызы Розлана Ерғалиева айтты. «Адамға жүрген...