НЬЮ-ЙОРК. KazUnite – Нью-Йорктегі Брайтон-Бич авенюі мен Кони Айленд авенюінің бұрышы ресми түрде «Украина жолы» болып өзгертілді. Бұл туралы hucus.org жариялады.
Нью-Йорктегі украиналық белсенділер қарбалас қиылысқа жиналды. Украинаның Нью-Йорктегі Бас консулы Алексей Голубовтың айтуынша, украиналықтар «Тәуелсіздік үшін күрестің» 31 жылдығын атап өтіп жатыр.
«Украина жолы» атауын Украинада дүниеге келген және осы Брайтон-Бичке қарасты Бруклиннің 48-округінің атынан шыққан Қалалық кеңес мүшесі Инна Верникова ұсыныпты.
«Мен Украинаның бірауыздан екі партиялық қолдау алғанын мақтан тұтамын, өйткені бұл республикалық немесе демократтар емес, бұл – адамның адалдығы», – деді ол CBS 2 Ханна Клигерге.
Брайтон-Бич Нью-Йорктегі Бруклин ауданының оңтүстік жағынан, Атлант мұхитының жағалауынан орын тепкен. Бейресми атауы – Кішкентай Одесса. Яғни мұнда 1970 жылдары КСРО-ның саяси ықпалынан теперіш көріп, АҚШ-қа келгендер қоныстана бастаған. КСРО ыдырағаннан кейін одақ құрамында болған елдердің азаматтары көптеп көшіп келген. 2010 жылғы санақ бойынша мұнда 23,4 мың адам тұрады.
