InfoБаспасөз хатшылары әлеуметтік желілерде жұртшылықпен қарым-қатынас жасауды оқып-үйренуде

Баспасөз хатшылары әлеуметтік желілерде жұртшылықпен қарым-қатынас жасауды оқып-үйренуде

Тарату:

Мемлекеттік секторда әлеуметтік желілерді пайдаланудың озық тәжірибесін Қазақстанның орталық мемлекеттік органдар баспасөз қызметтері басшылары зерделеуде. Сәуір айының 20-21 күндері Астана Мемлекеттік қызмет хабы ҚР Ақпарат және қоғамдық даму министрлігімен бірлесе отырып «Әлеуметтік желілер – мемлекеттік органдар мен жұртшылық арасын байланыстырушы тиімді платформа» атты семинар өткізуде.

Семинарды ашқан Хабтың Басқарушы комитет төрағасы Алихан Байменов: «Әлеуметтік желілер – үкіметтен бір тиын сұрамайтын қоғаммен байланыс құралы», – деп атап өтті. «Шешімдерді ұғынықты тілде бұқараға жеткізу – сенім қалыптастырудың бір тағаны. Бұл өз кезегінде келесі батыл да уақытылы шешімдерге арқау болады. Сондықтан да қазір баспасөз хатшыларының тиісті шешімдерді халыққа жеткізуде әлеуметтік желілерді шебер пайдалануы қажет», – деді Байменов.

ҚР Ақпарат және қоғамдық даму министрлігінің Ақпарат комитеті төрағасы Қанат Ысқақов «қазіргі мемлекеттік қызмет тәжірибесі сұрақтарға жауап беріп қана қоймай, азаматтардың пікіріне құлақ асып, олар ұсынған жобаларды жүзеге асыратын келесі – проактивті кезеңге өтуде», – деді. Сонымен бірге ол  келесі жылдан бастап, мемлекеттік қызметкерлерді бағалау парағына әлеуметтік желімен жұмыс істеу қосылатынын айтты.

Грузиялық сарапшылар Ани Сирбиладзе мен Иракли Джинианидзе мемлекеттік органдарды әлеуметтік медиада ілгерілету бойынша әлемдегі және аймақтағы цифрлық үрдістер туралы баяндады. Сонымен қатар олар мемлекеттік дағдарыстар кезіндегі әлеуметтік желілер рөліне тоқталып, осы орайда COVID-19 пандемиясы барысындағы баспасөз қызметтер жұмысының озық үлгілерін ұсынды.

Семинар барысында қатысушылар әр-түрлі кейстерді талдап, халықпен тиімді байланыс орнату мақсатында контенттің түрлерін пайдалану мен цифрлық қарым-қатынас жолдарын талқылады. Олар сонымен бірге негізгі онлайн платформаларды және олардың алгоритмдерін, пайдаланушылар мінез-құлық реакцияларын қарастырып, талдау жасап, қандай сынақтар болуы мүмкін екендігін сараптады, әлеуметтік желілерде жоспарлауды, визуализация әдістерін үйренді. Қатысушылар тәжірибе алмасып, соңғы жылдары болған мемлекеттік дағдарыс кезіндегі сынақтарды және олардан шығу жолдарын бірге талқылады.

Семинар жұмысына онлайн және оффлайн форматта Қазақстанның орталық мемлекеттік органдарының отызға жуық баспасөз хатшысы, ресми өкілдері және SMM менеджерлері қатысуда.

Тарату:

Соңғы жазбалар

The Center for Supporting Women in Culture was opened in Astana

0
The Rixos President Hotel recently hosted the Opening of the Center for Supporting Women in Culture – ART QALQA (AQ). The inaugural event featured...

Personnel changes in the management of the Togyzkumalak Sports Federation of the Republic of...

0
Akim Tursun was elected President of the Federation of Sports Togyzkumalak of the Republic of Kazakhstan. Prominent public figure Alikhan Baimenov was confirmed as...

Civil Servants from Central Asia and the Caucasus discussed the potential of AI in...

0
In Phnom Penh (Cambodia) a workshop focused on exploring the potential of Artificial Intelligence (AI) in the public sector. The event brought together over...

Central Asia and China Strengthen Cooperation in Public Administration

0
Beijing hosted a seminar on public administration, which included heads of the Academies public administration of China and Central Asian countries: Kazakhstan, Uzbekistan, Turkmenistan,...

Dimash Kudaibergen to perform in Singer 2024 contest final

0
Kazakh-born world-famous singer Dimash Kudaibergen will perform in the final of Hunan TV’s Singer 2024 vocal competition in China, KazUnite reports. According to Chinese microblogging ...