НЬЮ-ЙОРК. KazUnite – Әлемге әйгілі кино жұлдызы Брюс Уиллис когнитивті қабілетіне кері әсер ететін дертке шалдыққандықтан, актерлік жұмысынан демалады. Бұл туралы оның отбасы сәрсенбі күні хабарлады.
Отбасы мүшелерінің әлеуметтік желіде жариялаған мәліметі бойынша Брюс Уиллистің денсаулығы сыр беріп, оған афазия диагнозы қойылған. “Бұл оның когнитивті қабілетіне кері әсерін тигізеді” делінген. Соның салдарынан Брюс үшін аса маңызды болса да, кино саласынан кететіні жазылған.
Майо клиникасының мәліметінше, афазия – бұл сөйлеу қабілетінен айыратын немесе инсульт алуына, басының ауыруына, бас ми ісігінің пайда болуына түрткі болуы мүмкін дерт.
