Америка президенті Дональд Трамп ағылшын тілін АҚШ-та ресми тіл деп жариялау туралы жарлыққа қол қойды, деп хабарлайды KazUnite тілшісі The New York Times басылымына сілтеме жасап.

Бұл туралы сенбіде Ақ үйдің баспасөз қызметі хабарлады.

Ол бұл бұйрықтың Билл Клинтон әкімшілігі дәуіріндегі үкіметтік органдар мен федералдық қаржыландыру алатындардан ағылшын тілін білмейтіндерге тілдік қолдау көрсетуді талап ететін бұйрығының күшін жоятынын түсіндіреді.

The New York Times қазіргі жарлықты АҚШ-та қос тілде білім беруді шектеп, иммиграцияны азайту үшін күресіп келе жатқан «Тек ағылшын тілі» қозғалысының жеңісі деп бағалайды.

Құжатта ағылшын тілін ресми тіл деп тану «бірлікті нығайтып, мемлекеттік басқарудың тиімділігін арттырады және азаматтық белсенділікке жол ашады» деп жазылған.

Ақпаратқа қарағанда, АҚШ-та ең көп таралған тіл – бұл елдегі 245 миллион адам сөйлейтін ағылшын тілі. Екінші орында 42 миллион адам сөйлейтін испан тілі тұр. Қолданылуы бойынша үшінші орында тұрған тіл – бірнеше негізгі диалектісі бар қытай тілі (3,4 миллион).

20 қаңтарда Трамптың инаугурациясынан кейін Ақ үйдің сайтынан оның сөзінің испан тіліне аударылған нұсқасы алынып тасталған.