НЬЮ-МЕКСИКО. KazUnite – АҚШ-тың Нью-Мексико штаты барлық колледждер мен университеттерінде статусы жоқ иммигранттарды да тегін оқытатын болып шешті. Бұл туралы бүгін The New York times газеті жариялады.
Осы жаңалықты өзінің әлеуметтік желілердегі парақшаларында қуана бөліскен АҚШ сенаторы Берни Сандерс Нью-Мексико жоғары оқу орындарында тегін оқытуды енгізген алғашқы штат екенін жазды.
Бір айта кетерлігі, бұл штатта білімқұмар әр азамат отбасының табыс деңгейіне, тіпті иммиграциялық статусына қарамастан, тегін білім ала алады.
Сенатор жастардың колледждер мен университеттерде ақысыз оқуына жол ашатын дәл осы жүйе АҚШ-тың барлық штаттарында қабылдануы қажет деген ұсынысын жеткізді.