МИНСК. KazUnite – Минскіде IV Еуразиялық экономикалық форум өткізіліп, ол Жоғары Еуразиялық экономикалық кеңестің отырысына арналып ұйымдастырылды. Алқалы жиынға ЕАЭО мүше елдердің мемлекет басшылары қатысты.

Форумға Қазақстанның «Электрондық қаржы орталығы» АҚ өкілдері қатысып, мемлекеттік сатып алу саласындағы цифрландырудың отандық тәжірибесімен бөлісті.

«ЕАЭО-дағы мемлекеттік сатып алулар: шынайылық, мүмкіндіктер және перспективалар» сессиясында «Электрондық қаржы орталығы» АҚ басқарма төрағасының орынбасары Денис Свирский арнайы баяндама жасады.

«Қазақстандағы электронды дүкендер арқылы сатып алу – қолжетімділікті, ашықтық пен шағын және орта бизнесті қоса алғанда, қызмет ұсынушылардың кең ауқымын тартуды аңғартады», – деді Д.Свирский.

Форум кезінде компания өкілдері адал өндірушілерді қорғау мен бюджет шығыстарын оңтайландыруға бағытталған мемлекеттік сатыпалымды цифрландырудың отандық тәсілін көсертті. Шығыстарды тиімді жұмсау мен олардың ашықтығына қойылатын талаптардың ұлғаюына байланысты электронды дүкен сынды цифрлы тетік дамудың негізгі құралдарының біріне айналып отыр.

Бұдан бөлек Д.Свирский тауарлардың каталогы бойынша жүргізіліп жатқан жұмыстар туралы әрі әділ баға саясатын қалыптастыру мен мемлекеттік сатып алу кезінде бағаның көтерілуіне жол бермеуге мүмкіндік беретін «Баға дерекқоры» талдамалы модулін енгізу туралы да айтып өтті.