НЬЮ-ЙОРК. KazUnite – Бүгін Америка Құрама Штаттарының Тәуелсіздік күні. Бұл күнді америкалықтар Тәуелсіздік күні деп қана емес, кейде жәйне ғана “Төртінші шілде” (July 4th) деп атай салады.
Бұл күн алғаш рет 1941 жылы Америка Құрама Штаттарында федералды мерекесі болып бекітілген. Алайда Америкада Тәуелсіздік мерекесін атап өту дәстүрі 18-ғасыр мен Америка революциясынан бастау алған. Дәл осы күні қарапайым халық арасында және Ақ үйде де үлкен мереке.
1776 жылы 2 шілдеде құрлықтық конгресс тәуелсіздік үшін дауыс берген. Ал екі күннен кейін 13 колониядан келген делегаттар Томас Джефферсон жасаған тарихи құжат – Тәуелсіздік декларациясын қабылдаған еді.
Осылайша, Америка бастапқыда 13 штат қана болып, АҚШ болып бірігіп, Англиядан тәуелсіздік алып, бөлініп шыққан.
АҚШ-тың Тәуелсіздігін сол тұста Англия қолдамаса да, бірқатар Еуропа елдері қолдады. Франция ерекше тілектестік танытқан. Кейін арада жүз жыл өткенде Нью-Йорк қаласында тұрған биік Азаттық монументін Америкаға сыйға тартқаны да сондықтан еді.
Тәуелсіздік, азаттық ұғымын қастерлегендіктен, америкалықтар Тәуелсіздік мерекесін тойлауды екі күн бұрын бастап кетті.
Посмотреть эту публикацию в Instagram
Ал бүгін, 4 шілде күні мереке құрметіне күні бойы барлық қалада мерекедік шерулер, концерттер, отбасылық жиындар мен барбекю жасау кештері, отшашулар болады.
