ИЛЛИНОЙС. KazUnite – Иллинойс штатындағы жабайы табиғатты қорғау бксқармасы жыландар миграциясына байланысты 2 шақырымдық жолды жапты.
АҚШ Орман қызметі Шони Ұлттық орманында «жылан жолы» деп аталатын № 345 Орман жолы көшесінде 1 қыркүйектен бастап көлік жүргізуге тыйым салынғанын мәлімдеді.
Жылда көктемде және күзде осы жолмен жыландар көшетіндіктен, мұнда жылндар миграциясы үшін жолды жабу дәстүрге айналған. Қазіргі жолдың жабылуы 30 қазанға дейін созылмақ.
Иллинойс Табиғи ресурстар департаментінің мәліметінше, жыландар осы мезгілде Лару батпағынан жақын маңдағы әктас жартастарына қоныс аударады. Олардың арасында жойылып кету қаупінде тұрған жылан түрлері де бар. Жолды жауып, жыландар миграциясына жағдай жасау сол сиреп бара жатқан жылан түрлерін сақтау ниетінен де туған.
АҚШ ауылшаруашылық департаменті дәл осы Иллинойстағы “Жылан жолында” жыланның 23 түрі тіршілік ететінін мәлімдеді. Олардың кейбірі улы. Соның арасында Солтүстік Америкада жиі ұшырасатын “Мылжың” және “Мыс басы” деп аталатын улы жылан да бар.
