НҰР-СҰЛТАН. KazUnite – «Болашақ» халықаралық стипендиясы 199 қазақстандыққа берілді. Өткен жылы инженерлік-техникалық мамандықтарға 36%, биыл 60% стипендия бөлінді. Бұл туралы ҚР Мемлекеттік кеңесшісі Ерлан Қарин мәлім етті.
«Шетелде кадрлар даярлау жөніндегі республикалық комиссияның кезекті отырысы өтті. Комиссия шешімімен «Болашақ» халықаралық стипендиясы 199 қазақстандыққа берілді. Олар магистратура мен докторантурада оқитын болады. Президент Қасым-Жомарт Тоқаевтың «Болашақ» бағдарламасын қайта бағдарлау жөніндегі тапсырмасына сәйкес, инженерлік-техникалық кадрларды даярлауға баса мән берілді. Егер өткен жылы инженерлік-техникалық мамандықтарға 36% стипендия бөлінсе, биыл 60% бөлінді», – деп жазды Ерлан Қарин Instagram аккаунтында.
Оның сөзінше, медициналық бағыттағы академиялық бағдарламаларға үміткерлердің қолжетімділігін және қызығушылығын арттыру мақсатында Республикалық комиссия медицина қызметкерлерін академиялық оқыту үшін жеке санат бөлу туралы шешім қабылдады.
Посмотреть эту публикацию в Instagram
