ФИЛАДЕЛЬФИЯ. KazUnite – Пенсильвания штатындағы Kazakh American қауымдастығының бастамасымен Филадельфия қаласында қазақ тілін үйрететін орталық ашылды.

Орталықта АҚШ-та туып, өсіп келе жатқан қазақ балалары ана тіліміз бен төл тарихымызды оқып, салт-дәстүрлерімізді санасына сіңіріп, Әнұранымызды шырқап, Құран сүрелерін жаттап, Домбыра үйренетін болады. Мұнда 6-16 жас аралығындағы бүлдіршіндер мен жасөспірімдер қабылданады.

Айта кетсек, аталған қазақ орталының құрылтайшысы – Пенсильвания штатындағы Kazakh American қауымдастығының президенті Жұлдызай Исмаилова.

Естеріңізге салсақ, Жұлдызай Исмаилова – биыл Нью-Джерси штатында 600 адамның басын қосқан, тұңғыш рет АҚШ-та кең көлемде аталып өткен Америка қазақтарының Наурыз мерекесін ұйымдастырушылардың бірі. Өткен жылы Жұлдыз Исмаилованың ұйымдастыруымен АҚШ-тағы қазақтар Наурыз мерекесі мен ҚР Конституция күнін Филадельфия қаласында  атап өткен болатын.