АқпаратҚазақстандық саяхатшылар америкалықтарға Қазақстанды таныстырды

Қазақстандық саяхатшылар америкалықтарға Қазақстанды таныстырды

 

САН-ФРАНЦИСКО. KazUnite- Қазақстандық Мадина Әшілова, Олжас Әшілов пен Әлібек Бегалиев АҚШ-та саяхаттап жүр. Олар АҚШ-тың шығысынан батысына дейін көлікпен жүріп өтпек. Саяхатшылар саяхатын АҚШ-тың ең қымбат қалаларының бірі Сан-Францискодан бастады.

Саяхаттың мақсаты тек АҚШ-ты аралау ғана емес, америкалықтарға Қазақстанды таныстыру.

“Біз саяхат барысында Қазақстанды америкалықтарға таныстырмақпыз. Оларға Қазақстан туралы роликтер көрсетіп, қазақстандық шоколад пен құрт сыйлаймыз. Бізбен сөйлескен америкалықтардың жартысы Қазақстан туралы білетіні қуантты. Ал білмейтіндер көшпенді болған халық туралы көбірек білуге ықылас танытуда”, – деп жазды саяхатшылардың бірі Мадина Әшілова Instagram парақшасына.

Қазақтың ұлттық оюланған камзолын киіп, ұлттық әшекейін тағып, Қазақстан туын желбіретіп жүрген саяхатшылар Қазақстан туралы арнайы баннерді де дайындап қойған.

АҚШ-та тұратын қазақтар қазақстандық саяхатшыларды қолдау мақсатында Қазақстан туын ұстап қарсы ала алады.

Мадина Әшілова, Олжас Әшілов пен Әлібек Бегалиев 17 мамырда Тусоннан Остинға жол жүреді. 20 мамырда Хьюстан, Жаңа Орлеан мен түсірілім жұмыстары үшін Мобилда болады. 21 мамыр мен 24 мамыр аралығында Афиныды аралап, Вашингтонға жолға шығады. 26 мамыр Вашингтоннан Нью-Йоркқа жол жүреді. 27 мамыр Нью-Йоркты аралап, 28 мамыр күні Қазақстанға қайтады. 

Фото: Мадина Әшілова/Instagram

 

Соңғы жазбалар

ОРЫС ӘСКЕРІ НЕГЕ ӘЛСІЗ?

0
KazUnite / Нұржан Байтас - Ресейде мобилизация басталғалы ірі қалаларындағы жөнін тапқан ер азаматтары елінен кетіп жатыр. Ресейден ебін тауып кетіп қалуға бет алған...

Қазақтарға ғана құшағын ашқан америкалық бала

0
НЬЮ-ЙОРК. KazUnite - Лас-Вегас әуежайында Димаш Құдайбергенмен кездескен америкалық жанкүйерлердің арасындағы қазақ әншісінің мейіріміне бөленген Габриел есімді ұл баланы қазақтармен нендей тылсым байланыстыруы мүмкін? Бұған...

Лас-Вегастағы кездесу: 9 жасында Димаштың әндерін тыңдап, тілі шыққан Габриел

0
ЛАС-ВЕГАС. KazUnite - Төрткүл дүние көз тіккен кәсіпқой боксшылар Геннадий Головкин мен Сауль Альварестің теңдесіз трилогиясында Қазақстанның Әнұранын шырқауға арнайы барған қазақ әншісі Димаш...

Ашық аспан астында: Қызылорданың мерейтойы этно бағытта өтті

0
ҚЫЗЫЛОРДА. KazUnite - Ұлыстың бекемдігі үшін қазақ баласын жастайынан мергендікке баулыған. Жебесі үш жүз құлаштан асып нысанаға тиген батырлар жайлы тарихымызда талай дерек бар. Тіпті...

Қасым-Жомарт Тоқаев жұмыс сапарымен Нью-Йоркке келді

0
НЬЮ-ЙОРК. KazUnite - ҚР Президенті Қасым-Жомарт Тоқаев БҰҰ Бас Ассамблеясының 77-сессиясына қатысу үшін Нью-Йоркке жұмыс сапарымен келді. Бұл туралы Ақорданың баспасөз қызметі мәлім етті. Мемлекет...