ҚАРАҒАНДЫ. KazUnite- Биылғы Саяси қуғын-сүргін құрбандарын еске алу күні Қарағанды қаласында Еуропадағы қазақ қауымдастығының ашаршылық құрбандарын мәңгілік есте сақтау мақсатында жасатқан ескерткіші ашылады. Ескерткішті ашу шарасы 31 мамыр күні сағат 11-де қаладағы Этнопарктің алдында өтеді.
Ескерткішті ашу шарасы 31 мамыр күні сағат 11-де қаладағы Этнопарктің алдында өтеді.
Өткен ғасырда қазаққа жасалған геноцидке тарихи әділ бағасын беру және геноцид құрбандарын есте сақтау мақсатында жасалған ескерткіш үш жыл бұрын қолға алынған. Оған Еурлпа елдеріндегі әр түрлі кәсіппен айналысатын қазақ азаматтары 7 мың еуродан астам қаражат жинаған еді.
Ескерткіштің идеясын талқыға салып бекіткен соң шығармашылық жұмыс Жармұхаммед есімді германиялық мүсіншіге тапсырылыпты.
Ескерткіштің биіктігі 2 метр, ені 3 метрге таяйды. Мүсінші онда бос қазан мен арып-ашыған ошақ басындағы екі әлсіз әйелді бейнелепті.
Еуропалық қазақ қауымдастығының ақсақалдары ескерткішті Қазақстанның астанасы Нұрсұлтан қаласына орнатуға ниеттенген. Алайда, ол ұсыныс Қазақстан тарапынан қолдау таппай, ақыры ескерткіш Қарағанды қаласына қойылатын болып шешіліпті.
