НЬЮ-ЙОРК. KazUnite – Нью-Йоркте әртүрлі ұлттардың асханалары көп. Мұнда Орта Азия халықтары арасынан шыққан ең танымал асхана – өзбек асханалары.
Орта Азия елдерінікі дегенімен де, өзбек асханаларына жергілікті америкалықтар мен Нью-Йоркке келген туристер арасында да сұраныс жоғары. Олар мейрамханалардың сайттарына үнемі өзбек тағамдарының дәмді, құнарлы екенін жазады.
Сұранысқа ие болғандықтан, Нью-Йорк қаласының өзінде 50-ге жуық өзбек (кейбірі өзбек және ұйғыр) мейрамханасы жұмыс істеп тұр.
Алайда осы аптада сол асханалардың біразы еврей асханасы болып ауысып кетті. Бірнеше мейрамханаға хабарласып, себебін сұрағанымызда мейрамханада бір апта бойы өзбектің ұлттық тағамдары, әсіресе ұн қосылған тағамдар болмайтыны айтылды. Себебі 15 сәуір мен 22 сәуір аралығында еврейлердің пасха мерекесі атап өтіледі екен. Соған орай, мейрамхана мәзірі өзгеріп, оған еврейлердің асхасында дайындалатын тағамдар ғана енгізілген.
Біз бұған қарап, Нью-Йорктегі кейбір өзбек асханаларын ашқан азаматтар өзбек ұлтының өкілдері емес, Өзбекстаннан келген еврейлер екенін түсіндік. Өзбек мейрамханасы әлемде, соның ішінде Нью-Йоркте танымал болғандықтан, “өзбек асханасы” деген бренд бойынша жұмыс жүргізеді. Бірақ олардың көбі еврейдің діни және дәстүрлі мерекелеріне ыңғайлана істейді.
© Фото: amazonia-tour.ru
