МОҢҒОЛИЯ. KazUnite – Қазақ халқының көктем мерекесі – Наурыз мейрамына орай Моңғолия президенті У.Хүрэлсүх елдің дамуына ерекше үлес қосқан бірқатар азаматты мемлекеттік жоғары атақ, орден, медальдармен марапаттады, деп хабарлайды KazUnite.com тілшісі.
Марапатқа ие болған азаматтар мен олардың отбасыларын, балаларын, туған-туыстарын Ұлыстың ұлы күнімен құттықтаған Моңғолия президенті қазақ халқына бақыт, Алтай қыранындай рух тіледі. Ph.D., Моңғолия Ұлттық университетінің ғылым мектебінің биология кафедрасының кеңесші ұстазы Ұлықпан Каманұлы мен Налайх аудандық аға мұғалімдер қауымдастығының басқарма мүшесі Ризагүл Қалидолдойқызына «Еңбек сіңірген ұстаз» атағы, «Дастан» жауапкершілігі шектеулі серіктестігінің кеңесшісі және ғылыми қызметкер Етекбай Тәтеұлына «Еңбек сіңірген мәдениет қайраткері» атағы, Автотранспорт ұлттық орталығы директорының орынбасары, экс аймақ әкімі Ғылымхан Әйіпұлына «Еңбек сіңірген экономист» атағы, Жол полициясының аға қызметкері, полиция полковнигі Айвал Саяболдқа «Еңбек сіңірген тасымалдаушы» атағы, «МИАТ» мемлекеттік қазынадағы кәсіпорынның Ұшу бөлімшесінің бастығы, ұшқыш Әуез Таштуанұлына «Еңбек сіңірген ұшқыш» атағы берілді.
Ал Налайх ауданының тұрғыны Хулжай Упей қария, Сэлэнгэ аймағы, Цагааннуур сұмыны «Тариан Цацал» жауапкершілігі шектеулі серіктестігі директорының орынбасары Ахан Көкенай «Еңбек қызыл ту» орденімен, Налайх ауданының тұрғыны Күлзипа Қибекей, «ЖЭС-3» МКҚК процедуралар және есеп айырысу бөлімінің технигі Қавидеш Білдіхан, Төв аймағы Батсүмбер сұмыны Мандал ауылының малшысы Телувмед Мұғараж, Ұланбатыр қаласы Сонгинохайрхан ауданы Мемлекеттік тіркеу басқармасының Мемлекеттік тіркеушісі Кәлкей Манас, Шарветхан атындағы бокс клубының жаттықтырушысы Юльс Жапархан «Алтын жұлдыз» орденімен, Шекара қызметі әскери дайындық және тәртіптік бөлімінің бастығы Аманбек Білімұлы «Әскери қызыл ту» орденімен марапатталды.
Сонымен қатар Төтенше жағдайлар жөніндегі ұлттық агенттігі жанындағы 9-Тау-кен-құтқару жасағының құтқарушысы, жүргізуші-байланысшысы Мөтөл Болатқа «Әскери құрмет» медалі, Налайх ауданының 4-ші ауылының Қоғамдық Хуралының төрағасы Рахман Жанарбек пен Сонгинохайрхан ауданының «Буянт-Манал» отбасылық денсаулық орталығының дәрігері Еркежан Сейілге және Коммуналдық шаруашылық басқармасының орталық тарату орталығының машинисі Жосай Бадамжавке, «Принцесс» ауруханасының бас дәрігері Жанболат Тілеубекке «Еңбек құрмет» медалі табысталды.
Жанболат Тілеубек
