АқпаратНью-Йоркте тұңғыш рет қазақ кәсіпкерлерінің бизнес-конференциясы өтті

Нью-Йоркте тұңғыш рет қазақ кәсіпкерлерінің бизнес-конференциясы өтті

 

НЬЮ-ЙОРК. KazUnite – “United Alash” қорының бизнес клубы аясында тұңғыш рет Нью-Йорк қаласында қазақ кәсіпкерлерінің бизнес-конференциясы өтті.

«Біздің “Біріккен Алаш» қорымыз биылғы Рамазан айында құрылды. Содан бері кітап клубы мен бизнес клубы аясында шаралар өткізіп жүрміз. Ахмет Байтұрсыновтың “Біз басқаларрдан кем болмас үшін білімді, бай һәм күшті болуымыз керек. Білімді болу үшін оқу керек, бай болуға кәсіп керек, күшті болуға бірлік керек” деген Алаш баласына қалдырған өсиет сөзін негізге алып, осы бағдарламамызды бастап отырмыз», – деді «United Alash» қорының құрылтайшысы Ұланбатыр Бақытханұлы.

Фото: Дәурен Мақсұтханұлы/Facebook

Ал ұйымдастырушы Дархан Мұңайтпасов аталған шараның негізгі мақсаты тек қазақстандықтарды ғана емес, басқа да ұлт өкілдерін Америкада өз бизнесін қалай ашу керек және ол үшін не істеу керек, қандай қателіктерді жасамау керек деген оймен бөлісуге шақырғанын айтады.

«Мақсатымыз орындалған сияқты. Себебі бизнестің айналасында қойылатын сауалдар өте көп, кәсіпкерлер өз тәжірибесімен бөлісіп қана қоймай, оларға дұрыс жолды көрсетіп, өз мақсатына қалай жету керектігін айтты. Бәрі дән риза болды. Бизнесте серіктес табу қиын. Яғни бұл конференция – серіктес табу мақсатында да келушілерге бір-бірімен байланыс орнату үшін жасалған шара», – деді ол.

Фото: Дәурен Мақсұтханұлы/Facebook

Топ алдында сөз алған Қазақстанның Нью-Йорктегі Бас консулы Раушан Есбулатова жиынға қатысушыларға сәттілік тілеп, бизнес саласында жүрген жастарды әрдайым қолдайтынын жеткізді.

Одан әрі бизнесте 12 жылдық тәжірибесі бар, SCALEUP IT жобасының авторы, бизнес-коуч Даяна Асанова мен жас кәсіпкер Айдын Есенгелді франшизаны сату мен жаңа кәсіпті бастаудың жолдарын түсіндірді.

Фото: Дәурен Мақсұтханұлы/Facebook

«Негізінде мұнда, Америкада, нарық өте үлкен және бизнесін бастағалы тұрған кәсіпкерлер үшін де, тұтынушылар үшін де, жалпы бизнес үшін де өте ыңғайлы әрі жағымды. Бизнестегі ұстанатын ережелер де бірдей. IT жобалар мен қызмет көрсету саласында, кез келген салада тауарды қалай өткізу керек, қалай сату керек, оны қалай дамыту керек, ең бастысы – заңды, барлық ережелерді қалай сақтау керектігін үйретеміз», – деді Даяна Асанова.

Бір-бірін мұқият тыңдаған қатысушылар “Farida» мейрамханалар желісінің директоры Фарида Габбасова – Риччиарделлидің бизнестегі тәжірибесіне тәнті болды.

Фото: Дәурен Мақсұтханұлы/Facebook

Сонымен қатар бизнеске қатысты есептер беріліп, әркім өз тәжірибесімен бөлісті. Дүкендер мен сән салоны, көлік тасымалдау бизнесі (трак), ауыл шаруашылығы, мейрамхана сияқты салаларда бизнестерін жүргізіп отырған қазақ қауымдастығының өкілдері мұндай шараның ұйымдастырылғанына ризашылықтарын білдірді. АҚШ-та 4 жылдан бері тұратын Али Алаш пен жас кәсіпкер Мұрат Нұрғалиев шарадан қандай әсер алғандарын айтты.

Норс Каролайн, Вирджиния штаттарында бал шығару және жылқы санын көбейту шаруасымен айналысып жүрген фермер Али Алаш бұл конференцияға өзі сияқты кәсіпкерлермен танысу үшін және отандастарын көру мақсатында арнайы келгенін атап өтті.

Ал трак компаниясының директоры Мұрат Нұрғалиев  көптеген адаммен кездесу, олардың өз тәжірибесімен бөлісуі зор әсер қалдырғанын жеткізіп, ұйымдастырушыларға ризашылығын білдірді.

Фото: Дәурен Мақсұтханұлы/Facebook
Фото: Дәурен Мақсұтханұлы/Facebook

Сұрақ-жауап форматындағы бұл конференция қазақ, орыс, ағылшын тілдерінде өтті. Алдыңғы аға буынның ақыл-кеңесін тыңдаған жас кәсіпкерлердің өтініш-тілегі бойынша мұндай шара енді жыл сайын дәстүрлі түрде өткізіліп тұрмақ.

Нұрлыайым Данаева,

Болашақ стипендиясының иегері, NYFA студенті

 

Соңғы жазбалар

Қазақстан ҰҚШҰ-дан шығуға мәжбүр болуы мүмкін – саясаттану профессоры

0
НЬЮ-ЙОРК. KazUnite - Саясаттану профессоры Полин Джонс жақында CDDRL және TEC бірлесіп ұйымдастырған Reds семинарында сөйлеген сөзінде Украинадағы Ресейдің жаңарған агрессиясы Мәскеудің Еуразиялық көршілерімен...

Қытай мен Астана хабы мемлекеттік басқару бойынша жаңа жобалар талқылауда

0
Астана Мемлекеттік қызмет хабы Басқарушы комитеті төрағасы Алихан Байменов пен Қытай ұлттық мемлекеттік басқару академиясы атқарушы Вице-президенті Си Чунтао екіжақты ынтымақтастық мәселелерін талқылады. Кездесуге ҚХР-ның...

«New York Fashion Week-2024» халықаралық сән көрсетілімінде Қазақстанның Әнұраны шырқалды

0
Нью-Йорк қаласындағы «Leman Ballroom» залында  «New York Fashion Week-2024» халықаралық сән көрсетілімінің 16-маусымы ашылуында қазақстандық дизайнердің ұлттық сән үлгілері ұсынылып, қазақ әншісі өнер көрсетті,...

Шетелдіктер асырап алған қазақ балаларының Қазақстанға оралатыны рас па?

0
KazUnite - Кезінде шетелдіктер асырап алған қазақ балалары Қазақстанда біраз уақыт білім алып, қазақ тілін үйренеді. Бұл туралы «Шетелдегі қазақ балалары» жобасының авторы, белгілі...

Қазақ тілі Испания патшалығында да үйретілетін болды

0
KazUnite - «Tildes.kz» клубының филиалы өз мүшелерінің сұранысы аясында Испания Патшалығында да ашылды. Аталған клуб іргетасы 2022 жылы Халықаралық «Қазақ тілі» қоғамы Астана қалалық...