БАЯН-ӨЛГИЙ. KazUnite – Моңғолия премьер-министрінің бұйрығымен Баян-Өлгий аймағының әкімі қызметіне Заңғар Есентайұлы тағайындалды. Бұл туралы Kaznews ақпарат агенттігі хабарлады.
Аталған БАҚ-тың дерегіне сүйенсек, жаңадан сайланған Баян-Өлгий аймақтық Азаматтар өкілдері Хуралының 28 қазан күнгі алғашқы мәжілісінде аймақтың жаңа әкіміне Заңғар Есентайұлының кандидатурасын қолдап, Моңғолия премьер-министріне ұсынған.
«Моңғолия премьер-министрінің өкімімен бұған дейін екі рет аймақтық азаматтар өкілдері Хуралының депутаты әрі аймақтық демократиялық партия басшысы қызметін атқарған, Самал компаниясының директоры болып жұмыс істеген Заңғар Есентайұлы Баян-Өлгий аймағының әкімі болып тағайындалды», – деп жазады моңғолиялық БАҚ.
