KazUnite – Жақында Іле қазақ автономиялық облысының он тоғызыншы кезекті ақындар айтысы мәдени туризм фестивалі Шыңжаңның Іле облысы Тоғызтарау ауданы Көлденең жайлауында өтті.
Бұл туралы ҚХР-дағы қазақ тілінде ақпарат тарататын «Халық Газеті» басылымы жариялады.
«Ақындар айтысы – домбыраны сүйемел етіп, ақындардың қолма-қол суырып салма қабілетін сынайтын сөз сайысы. Айтыс – қазақтар арасында кең таралған ежелгі және ерекше өнер. Ол 2006 жылы ұлттық материалдық емес мәдени мұралар тізімінің бірінші партиясына енген болатын», – деп жазды басылым.
