НЬЮ-ЙОРК. KazUnite – Бүгін Нью-Йорктегі Карнеги-холлда өткен Viva Music Carnegie Hall байқауына Қазақстан атынан қатысқан эстрада-джаз әншісі Гүлзар Ғабдрахман бірінші орынды иеленді.
Нью-Йорк төрінде шымылдық түрген бірнеше кезеңнен тұратын халықаралық байқауда әлемнің түкпір-түкпірінен жиналған дүлдүлдер өнер көрсетті.
Лондонда өткен «Альбион жұлдыздары-2019» Халықаралық өнер байқауының жеңімпазы Гүлзар Ғабдрахман – Viva Music Carnegie Hall байқауына шақырту алған тұңғыш қазақстандық әнші.
Гүлзар Ғабдрахман бұл байқауда «Дудар-ай» әнін шырқады.
Қазақстандық әншіні Нью-Йоркте тұратын қазақ қауымы қолдауға келді.
«Осы байқауға қатысу арманым еді. Қатысқаныма, жүлделі орын алғаныма өте қуаныштымын. Қолдап келген Нью-Йорктегі қандастарымызға алғысым шексіз», – деді Гүлзар KazUnite тілшісіне.