KazUnite – Нью-Йорк сән апталығы аясында фэшн және сұлулық индустриясында тарихи оқиға болды, яғни International Beauty Fashion Association (IBFA) ұйымының ресми ашылу салтанаты өтті.
Бұл халықаралық коммерциялық емес ұйымның басында қазақтың үш қызы түр, олар – Анеля Алим (Президент және негізін қалаушы), Arailym Kaldarbek (Вице-президент және тең құрылтайшы) және Aisha Suramayeva (Хатшы және тең құрылтайшы). IBFA сұлулық пен сән саласында ынтымақтастық, инклюзивтілік және жаһандық серіктестікті дамытуға бағытталған.
Іс-шара барысында ресми баспасөз мәслихаты өтіп, меморандумға қол қойылды. Бұл жоба келесі қауымдастықтарды біріктірді:
Brooklyn Fashion Week; Brooklyn Beauty/Fashion Labo; Жапон диаспорасы; Африка диаспорасы; Қазақ диаспорасы; Американдық диаспора; Испан диаспорасы; Бразилия диаспорасы; Әлемнің түрлі мәдениеттерін біріктіретін халықаралық қауымдастық.
Бұл тарихи келісім сән мен сұлулық индустриясының әртүрлі қоғамдастықтарын біріктіріп, жаһандық әріптестікке, саланың дамуына және мәдениеттер арасындағы ынтымақтастыққа жол ашты.
Баспасөз мәслихаты мен меморандумға қол қою рәсіміне Әйелдердің өзін-өзі дамыту бойынша коуч, спикер, филантроп және тележүргізуші Alia Roza, Brooklyn Fashion Week-тің негізін қалаушы Rick Davy, J-Collabo және Brooklyn Beauty/Fashion Labo президенті Hitoshi Sagasaki, Vogue, Harper’s Bazaar, Elle журналдарына шыққан халықаралық модель әрі әнші Kristina Menissova, Кәсіпкер, Katieli Beauty негізін қалаушы Katieli Kazissumi сынды сән әлемінің танымал өкілдері қатысты.
Шара IBFA-ның ресми ашылуы және қызыл лентаны қию салтанатымен аяқталды, бұл ұйымның сән мен сұлулық саласында жаңа мүмкіндіктер жасап, инклюзивтілік пен кәсіби дамуды қолдау миссиясын бастады.
Бұл оқиға Қазақстанның сән индустриясындағы жаһандық ықпалының артып келе жатқанын көрсетеді және сән әлеміндегі әртүрлі қауымдастықтар арасындағы байланыстарды нығайтады. IBFA әлемдік сән мен сұлулық индустриясының болашағын қалыптастыруды жалғастырады.
