KazUnite – Димаш Құдайбергеннің «Аспан астындағы тағдыр» атты жаңа бейнебаянының тизері көрермен назарына ұсынылды. Бұл туралы dimashnews.com сайты жариялады.

Қазақстандық әншінің 12 минуттық туындысы адамзаттың бірлігіне арналған.

«Біз бәріміз нәсілге, ұлтқа және дінге бөлісеміз, бірақ біз бәріміз бір планетаның баласымыз және бір аспан астында өмір сүреміз. Өмір – бұл ең жоғары құндылық.

Бірде-бір қасиетті кітап адамдарды жауыздыққа, соғысқа шақырмайды. Ересектердің қателігі үшін балалар зардап шекпеуі керек. Осы себепті біз дүрдараздыққа жол бермей, достаса алуымыз қажет. Адамзат пен әлемнің ертеңі бүгінгі біздің қолымызда.
Біз – бір үйдің, бір мекеннің, бір аспанның перзентіміз», – делінген dimashnews.com сайтында.

Димаш Құдайбергеннің сюжеті бойынша түсірілген бейнебаянды 24 қыркүйектен бастап тамашалай аласыздар.