КЕРАЛА. KazUnite – Жер шарындағы ең алып құс мүсіні Үндістанның Керала штатында орналасқан. Архитекторы: Раджи Анчал.

Планетадағы ең алып құс мүсіні Үндістанның Керала штатындағы Jatayu Earth’s Centre саябағының аумағынан орын тепкен. Раджи Анчал бұл жобаны 1980 жылдары жүзеге асырғысы келіпті. Бірақ оның бұл құрылысты жүргізуіне сол кездегі ел билігі рұқсат бермеген екен. Соған қарамастан Анчал дегенінен қайтпай, үмітін үзбей, ұрымтал сәтті күткен. Ел билігі оған тек 2011 жылы туристерді көбірек тарту мақсатында рұқсат берген.

Джатаю – бұл үнді мифологиясында сұңқарлар патшасы. Сондықтан осы төңірек таңдалып, алып құс мүсіні 2018 жылы ашылған. Алып қыранның ішінде интерактивті музей орналасқан. Мүсіннің бас тұсына көтеріліп, алып құстың көзімен Үндістанның Керала штатының сұлулығын тамашалауға болады.

Айтпақшы қыран екінші қанатынан шайқаста айырылып, сол себепті де осы тауға құлап қалған деседі (бұл да аңыз әңгімелерде айтылады).