КУБА. KazUnite – Кубаның Canal Clave атты телеарнасында толықтай Димаш Құдайбергенге арналған бағдарлама көрерменге ұсынылды. Sueno Bonito музыкалық бағдарламасының премьералық шығарылымында әншінің өмірі мен шығармашылық жолы туралы айтылды. Бұл туралы dimashnews.com порталы жариялады.
Бұл қазақ әншісі туралы Кубаның телеэкранынан көрсетілген алғашқы бағдарлама емес. Димаштың жанкүйерлерінің ерекше ықыласының арқасында Куба телеарнасында қазақстандық өнер жұлдызы туралы бұған дейін де көрерменге ұсынылған.
2020 жылдың мамыр айында Димаш алғаш рет Adagio әнімен Кубаның Cubavisión Ұлттық телеарнасының De la gran Escena («Ұлы сахна») бағдарламасында алғаш рет аталып өткен еді. Ал араға бір жыл салып дәл сол бағдарламада Димаштың Olimpico композициясы орындалды.
2023 жылдың 15 сәуірінде Димаш Куба телевизиясында Sueno Bonito («Әдемі армандаңыз») музыкалық бағдарламасының шығарылымында қайта пайда болды. Бұл жолы қазақстандық талантты әнші Димаш Құдайбергенге 45 минуттық шығарылым арналды.
Посмотреть эту публикацию в Instagram
