АЛМАТЫ. KazUnite – Қазақ тілі барлық дағдарысты еңсерді. Енді ол мәңгі жасайды. Себебі әлемдік бизнес процесстерінде қазақ тілін елеу, санасу тренді басталды. Бұл туралы экономика, қаржы саласының сарапшысы Абай Олжаев мәлімдеді.
«Apple өзінің IOS операциялық жүйесіне қазақ тілін системалық тіл қылып енгізіп отыр. АҚШ ішкі жалпы өнімінің 6 пайызын беріп отырған Apple – әлемде Saudi Aramco-дан кейінгі ең қымбат компания. Ал Iphone – ең атаулы смартфон. Қазақ тілінің оған ілінуі – оның болашағына деген халықаралық сенімнің белгісі», – деп жазды Айбар Олжаев Facebook-те.
«Қазақтілді коммуникация маманы болғандықтан, биылдан бастап тілі қазақшаланбаған көптеген әлемдік ірі бренд, компаниялар тарапынан кеңес сұрау, аудиторияның ерекшеліктерін білуге деген сұраныстар көбейді. Сондықтан тренд дегенде – мен шынымен де көзбен көріп, қолмен ұстаған нәрсемді айтып отырмын», – деді сарапшы.
Гүлмира Аймағанбет
