НЬЮ-ЙОРК. KazUnite – АҚШ-тың Бағалы қағаздар және биржалар жөніндегі комиссиясына жасаған мәлімдемесінде Илон Маск Twitter-ге инвестиция салғанын айтты. Ол бүкіл әлемдегі сөз бостандығы алаңына айналу әлеуетіне сенетінін және сөз бостандығы жұмыс істейтін демократия үшін қоғамдық императив деп санайтынын жеткізді.
Маск Twitter-ді шамамен 43 млрд долларға бағалап, бір акциясы үшін 54,20 доллар ұсынды. Миллиардердің пікірінше, компанияның бүкіл әлемде сөз бостандығына арналған алаң болуға мүмкіндігі бар.
Қазіргі соғыс – ақпараттық соғыс. Елге әлеуметтік желілер арқылы ықпал ету оңай. Сөз бостандығы шектеулі елдерде ТВ, газет, радиолар Президент сөзінен аспаса да, әлеуметтік желіге тосқауыл бола алмайды. Ақпарат арқылы бір ел екінші елдің саясатына, өміріне де араласып отыр. Ресей трольдары, мысалы, Трамптың сайлаудан жеңуі үшін жұмыс істеген. Өйткені оларға Хилари Клинтоннан Трамп мүдделес болды.
Соңғы жылдары кибершабуыл күшейді.
Қазіргі соғыс кезінде мұның маңызы тіпті артып кетті. Қарулы аоғыс пен ақпараттық соғыс қатар жүрір жатыр. Сондықтан көп елдер осы салаға ерекше мән беруде. АҚШ киберқауірсіздік бюросын құрды. Мұның бәрі ақпарат құны, ақпарат күші, ықпалы артқанын көрсетеді.
Егер Twitter толықтай Илон Масктың еншісіне бұйырса, ол ондағы спамды бірден анықтау тетіктерін жасамақ. Фейк жаңалықтар мен акаунттарға, спамға шек қоймақ.
Айта кетсек, қазіргі уақытта Илон Масктың еншісіндегі Twitter акциялары Tesla-ға емес, Масктың өз атына тіркелген.
Сонымен қатар Илон Маск Telegram-ды да сатып алуы мүмкін деген қауөсет тарауда. Кейбір құпия дереккөздерге сүйенсек, Маск жақында Дуровпен кездесуді жоспарлаған. Онымен Telegram-ды сатып алу жөнінде талқылайды-мыс.
TED Talks-тағы сұхбатында Масктан Twitter тарапы сатудан бас тартқан жағдайда «Б» жоспарының бар-жоғын сұрады. Оған Илон жоспарының, әлбетте, бар екенін айтып, иландырды. Бірақ тарқатып айтпады. Мұның қалай болатынын алдағы уақыт көрсетер. Осы тақырыпқа алда тағы қайтып оралатын боламыз.
