ИнновацияМемлекеттік қызметшілердің инновациялық әлеуетін арттыратын жоба ауқымы кеңейеді

Мемлекеттік қызметшілердің инновациялық әлеуетін арттыратын жоба ауқымы кеңейеді

 

Орталық Азия мен Кавказдың жеті елі мемлекеттік органдары өкілдерінің Корея тәжірибесімен танысу сапары аясында Корея үкіметі, Астана мемлекеттік қызмет хабы және БҰҰДБ екіжақты және өңірлік ынтымақтастықты кеңейту жөнінде келіссөздері өтті. 

Астана Мемлекеттік қызмет хабы басқарушы комитет төрағасы Алихан Байменов Корея Республикасы Адам ресурстарын басқару бойынша министрі Ким Сын Хомен кездесті. Олар бірлескен зерттеулер жасау, сарапшылардың кездесулер, ғылыми-сараптамалық жарияланымдармен алмасу, сондай-ақ мемлекеттік қызмет мәдениеті, әдеп және сыбайлас жемқорлықтың алдын алу тұрғысындағы озық корей тәжірибесін зерделеу тетіктерін талқылады. Алихан Байменов Кореяның экономикалық табысының негізгі факторларының бірі ретінде кәсіби мемлекеттік қызметінің жоғары рөлін атап өтті. Кездесу соңында тараптар Хаб пен министрлік арасындағы Ынтымақтастық туралы меморандумға қол қойды. Кездесуге қатысушылардың айтуынша, меморандумға қол қою мемлекеттік қызметті жетілдіру мақсатында бірлескен іс-шаралардың өңір елдері үшін жаңа мүмкіндіктерін ашады.

Алихан Байменов сондай-ақ Ұлттық ақпараттық қоғам агенттігінің (NIA) Президенті Джонгсунг Хванмен және Кореяның ішкі істер және қауіпсіздік министрлігі (MOIS) Қоғамның жасанды интеллект мәселелері жөніндегі цифрлық үкімет бюросы Бас директоры Хуанг Куй Чулмен кездесу өткізді. Тараптар цифрландыру және инновациялар саласындағы мемлекеттік қызметшілердің әлеуетін арттыру жөніндегі бірлескен өңірлік жобаны жаңа өңірлерде, атап айтқанда, Шығыс Еуропа мен Балқан түбегі елдерінде жалғастыру және кеңейту перспективаларын қарастырды. Олар бұған дейін MOIS министрі Ли Санг Минмен әріптестіктің жаңа аспектілері туралы уағдаластықты тағы бір рет талқылап, растады және өңір елдерінің цифрлық әлеуетін арттыру үшін жағдай жасауға мүдделі екендіктерін білдірді.

Қазіргі уақытта Корея тарапы қаржыландыратын өңірлік жобаны Корея Республикасының Ішкі істер және қауіпсіздік министрлігі, NIA, БҰҰДБ және Хаб Орталық Азия мен Кавказдың жеті елінің мемлекеттік қызметшілері үшін  іске асыруда. Өткен жылдан бастап жоба ауықымында 6 онлайн және оффлайн іс-шара өткізілді, оның ішінде зерттеулер, электрондық үкімет, инновациялар мен мемлекеттік қызметтерді цифрландыру саласындағы озық тәжірибені зерделеу өңір елдерінің мемлекеттік қызметшілері тарапынан жоғары бағаға ие болды.

Корея Республикасының Үкіметі қаржыландыратын Орталық Азия және Кавказ елдерінің мемлекеттік органдары өкілдері үшін таныстыру сапары Корея Республикасының Ішкі істер және қауіпсіздік министрлігі (MOIS), Корея Республикасының Ұлттық ақпараттық қоғам агенттігі (NIA), БҰҰ Даму Бағдарламасы (БҰҰДБ) және Астана Мемлекеттік қызмет хабы (Хаб) бірлескен жобасы шеңберінде ұйымдастырылды.

 

Соңғы жазбалар

Астана архитектурасында қолтаңбасы бар саңлақ сәулетші

0
АСТАНА. KazUnite - Уақыт ізін айшықтауға келгенде сәулет өнерінен асқан құдіретті дүние кемде-кем. Қара жерге қазық болып қағылып, зәулім болып іргесі қаланатын ғимараттар қай...

Түркия туризмі рекордтық көрсеткішке қол жеткізді

0
KazUnite - Түркияның Мәдениет және туризм министрлігі 2022 жылғы туризм нәтижесін жариялады. Бұл пандемиядан кейін туризм саласындағы жаңа рекордтарды көрсетеді әрі Түркияның алдағы 5...

Атажұрт алғаш көргеннен жүрегімізді баурап алды – Америкадағы кәсіпкер қазақ қызы

0
НЬЮ-ЙОРК. KazUnite - Американың еңбек нарығы қандай? АҚШ-та тұратын қазақтардың табыс мөлшері басқа қауымдастық өкілдерімен, жергілікті халықтың еңбекақысымен салыстырғанда қаншалықты  айрымашылық бар? Құрама Штаттардағы...

Әлемнің ірі компанияларына таныссыз жұмысқа тұруға болады – Schlumberger компаниясының вице-президенті

НЬЮ-ЙОРК. KazUnite - Әлемдік ірі компанияда жұмыс істеу үшін не істеу керек? Шетелдік компанияда қызметіңіздің өсуі үшін бойыңызда қандай қасиет болуы керек? Әлемдік компания...

Бұл жұпты жүз жылда бір болатын құбылысқа теңеймін – Сәрсенбай Құрманғазыұлы

0
АТЫРАУ. KazUnite - Кеңес дәуірінде инженер, архитектор мамандықтарына бет бұрған қазақ ұлтының өкілдері аса көп болмаған еді. Сол дәуірде осы мамандықты игерген қазақтың бірі...