Өмір салтыНұржан Махамбет: Америкадағы қазақ қоғамдастығы енді аяққа тұрып келеді

Нұржан Махамбет: Америкадағы қазақ қоғамдастығы енді аяққа тұрып келеді

 

НЬЮ-ЙОРК. KazUnite – Family Freight Express компаниясының жетекшісі Нұржан Махамбет АҚШ-та енді ғана ашылып отырған тұңғыш қазақ басылымы KazUnite жобасына бата-тілегін айтып, жылы лебізін білдірді.

– Әлем астанасы саналатын Нью-Йоркте көп елдің ұлттық асханасы, мәдени орталықтары, тіпті ұлттық басылымдарына дейін бар. Мұнда орыс, қытай, араб, иврит, тіпті өзбек тілінде де газет-журнал, онлайн басылымдар тарайды. Неге солардың арасында осы уақытқа дейін қазақ тілді ақпарат құралы болмады? 

– Америка адамды нәсіліне, дініне, шыққан жеріне қарамай, құшағына басқан ел ғой. Бірақ мұнда әркім әртүрлі тарихпен келді. Сіз атап отырған халықтың көбі бұл осы елге 40 жыл бұрын келіп, қоныстана бастады. Сондықтан олардың қоғамдастықтары әбден орныққан, көп азаматтары аяққа тұрып, өз кәсібін ашқан, жақсы жетістіктерге жеткен. Ал қазақ Америка мен Еуропа сияқты елдерге бертінде ғана шыға бастады. Онда да бұл елдерге алдымен келген қазақтардың көбі – кезінде Шыңжаңнан Түркияға өтіп, сол жақтан көшіп келгендер. Бірақ олардың саны аз болды. Бұл елдерде, әсіресе Америкада бертінде ғана қазақ көбейе бастады.

– Сонда Америкадағы қазақтар әлі бір қоғамдастық ретінде қалыптаспаған дейсіз бе?

– Алдымен көп қазақтың Америкаға келуіне не себеп болып жатыр, соны айту керек шығар. Көбі елдегі экономикалық-саяси жағдайлардан кейін оянып, айналаға қарап, өзі қалағандай өмір сүрудің жолын іздеді. Ашығын айтқанда, көп қазақ мұнда табысқа жетіп, тұрмысын жақсарту үшін келген. Олардың басым көпшілігі келгеніне қанша жыл өтсе де, қара жұмыс істеп жүр. Мысалы, мен ұлыммен бірігіп жүк көлігі (Truck) компаниясын құрдым. Америкада жүк көлігін жүргізетін қазақ жігіттерінің ортақ чаты бар. Сонда, мысалы 450-ге таяу қазақ бар екен. Бұл басқа жұмыстармен салыстырғанда табысы жақсы жұмыс, бірақ мұнда істегендер үй бетін көрмей, штаттан штатқа жүк тасып жүреді. Күнімен жүреді. Олардың жұмысын істеп, табыс табудан басқаны ойлауға шамасы жоқ.  Бұлар – толық рұқсат алып, заңды жұмыс істейтіндер. Ал жұмысқа рұқсаты жоқ, бірақ жыбырлап жан бағып жүргендердің жағдайы тіпті қиын шығар. Мен Америкадағы қазақ қоғамдастықтары әлі толық аяққа тұрмаған деп отырғаным сондықтан. Олардың бүгінге дейін өз орталығын ашу, бірігу, ақпарат құралын жасау, қазақ мектебін ашу сияқты мәселелерге мойын бұра алмай келе жатқаны осыдан.

– Біз Америкадағы алғашқы қазақ ақпарат құралын ашып жатырмыз. Бұл – Еуропа, Түркия және Қазақстанда өкілдері бар халықаралық онлайн газет. Нью-Йорктің қазақ қауымдастығындағы аға буынның өкілі ретінде KazUnite-қа батаңызды берсеңіз?

– Америкадан қазақша онлайн газет жасалып жатқанына өте қуаныштымын. Қазірге дейін қазаққа жетпей жатқан талай құнды ақпараттар бар. Сондықтан тәуелсіз, халықаралық ақпарат құралы ретінде елге пайдалы дүниелер жазып, жақсылықтарға себепші болады деп сенемін! Әлемнің қай түкпірінде жүрсе де, бар қазақ аман, ырысты, ынтымақты болсын!

– Әңгімеңізге рақмет! 

 

Соңғы жазбалар

Атажұрт алғаш көргеннен жүрегімізді баурап алды – Америкадағы кәсіпкер қазақ қызы

0
НЬЮ-ЙОРК. KazUnite - Американың еңбек нарығы қандай? АҚШ-та тұратын қазақтардың табыс мөлшері басқа қауымдастық өкілдерімен, жергілікті халықтың еңбекақысымен салыстырғанда қаншалықты  айрымашылық бар? Құрама Штаттардағы...

Әлемнің ірі компанияларына таныссыз жұмысқа тұруға болады – Schlumberger компаниясының вице-президенті

НЬЮ-ЙОРК. KazUnite - Әлемдік ірі компанияда жұмыс істеу үшін не істеу керек? Шетелдік компанияда қызметіңіздің өсуі үшін бойыңызда қандай қасиет болуы керек? Әлемдік компания...

ШАЙТАНДЫ ҚУҒАН ХАМИТ

0
АСТАНА. KazUnite - 2019 жылдың ақпан айында елорданың байырғы тұрғыны Хамит Бегалы есімді молда, аузы дуалы ақсақалмен сұхбат құрғанбыз. Бірақ сол кезде фотограф қасымызда...

600 БАЛА ҚАЗАҚ ТІЛІНДЕГІ МУЛЬТФИЛЬМДІ ТЕГІН ТАМАШАЛАДЫ

0
АСТАНА. KazUnite - «Халықаралық қазақ тілі қоғамы» небары 15 күн ішінде 600 балаға қазақ тілінде тегін кино көру мүмкіндігін сыйлады. Әр балаға ерекше қуаныш сыйлаған...

Мемлекеттік органдар үшін басым мәселе: ашық деректермен неге жұмыс жасаймыз және оның пайдасы қандай?

0
Астана Мемлекеттік қызмет хабы және ҚР Ақпарат және қоғамдық даму министрлігімен орталық және жергілікті атқарушы органдардың мемлекеттік қызметшілері үшін «Мемлекеттік органдар үшін басым мәселе:...