НЬЮ-ЙОРК. KazUnite – Әлемде діни орындардың жанына мектеп салу тәжірибесі кең етек алған. Діни білім мен заманауи ғылымды үйлестіріп, балаларға әрі ақыреттік, әрі осы заманғы білім беру арқылы жас ұрпақтың дәстүрлі жолмен өмір сүруін қамтамасыз етуге тырысқан.

АҚШ-та бұл дәстүрдің үлгісін көп кезіктіруге болады. Әрбір мектеп, әсіресе мемлекеттік меткептер негізінен шіркеулердің жанында салынған.

Одан бөлек, шіркеулердің жанынан кішкентай балаларға арналған ойын алаңдарын салу да бұл елде кең тараған. Мұндай үрдіс Манхэттенде де байқалады.

Мамандар шіркеудің ауласына балалараға арналған ойын алаңын қоюдың пайдасы көп деп есептейді.

Біріншіден, діни орынның жанына ойын алаңын қою ғибадатханаға келушідердің қатарын көбейтеді.

Екіншіден, діни орынға балаларды тартады.

Үшіншіден, балаларды белгілі бір мөлшерде гаджеттерге тәуелді болудан сақтап, олардың қимыл-қозғалысын арттырады.

Төртіншіден, позитив, яғни өмірге жарқын көзқарас қалыптастырады.

Бесіншіден, дінді, дәстүрлі жолды шынайы өмірге жақындатады.

Ал сіз қалай ойлайсыз? Қазақстанда да мешіттердің жанына ойын алаңын қою дұрыс па?