Өмір салтыБаспанасыз қалған: Илон Маск достарының үйін паналап жүр

Баспанасыз қалған: Илон Маск достарының үйін паналап жүр

 

НЬЮ-ЙОРК. KazUniteӘлемдегі ең бай адам Илон Маск TED конференциясының бас ұйымдастырушысы Крис Андерсонға берген сұхбатында өзінің үйі болмағандықтан, достарының үйіндегі бос бөлмелерінде түнеп жүргенін айтты.

«Менде қазір тіпті өзімнің жекеменшік үйім жоқ. Көбіне достарымның үйіне аялдаймын. Егер Tesla-ның инженерлік жұмыстарының басым бөлігі орналасқан ауданға барсам, негізінен достарымның үйіндегі бос бөлмелерді қарастырамын», – деді Маск дүйсенбі күні жарияланған сұхбатта.

Bloomberg дерегінше, қазіргі уақытта Масктың капиталы 251 миллиард долларға тең деп бағаланады.

Бұл ретте сенатор Элизабет Уоррен сияқты америкалық заң шығарушы органдар өкілдері Маск сияқты мегамиллиардерлердің салық төлеу есебі салыстырмалы түрде төмен екенін алға тартып, үнемі сынға алады.

«Әрине, егер мен миллиардтаған долларды жыл сайын өзімнің жеке қажеттіліктеріме жұмсасам, мәселе туындар еді. Бірақ олай емес», – деді Маск.

Ол өзінің яхтасы жоқ екенін, жеке ұшағы болса да, шынымен демалысқа бармайтынын тілге тиек етті.

«Бұл – менің жеке қажеттіліктерімнің шығыны қыруар қаржы деген сөз емес. Менде ұшақ бар. Бірақ егер де мен ұшақты қолдансам, онда жұмыс істеуге уақытым аз қалады», – деді ол.

2020 жылдың мамырында ол Твиттерде өзінің бар мүлкін сатпақ ниеті бар екенін, бұдан былай үйі болмайтынын жазған. 2021 жылдың тамызында Insider Масктың SpaceX-тен жалға алған 50 мың доллар тұратын құрамалы үйде тұрып жатқанын мәлімдеген болатын.

Жақында Vanity Fair-ға берген сұхбатында Масктың серіктесі Граймс оның кей кездері кедейлер кейпінде өмір сүргенін айтты.

Ал 2015 жылы Google-дың негізін қалаушы, сол кездегі бас директоры Ларри Пейдж Маск Силикон алқабына барған кездерде оның электронды поштасына: «Мен бүгін кешке қайда тоқтайтынымды білмеймін. Сендерге келсем бола ма?» деп жазатынын айтқан болатын.

Естеріңізге салсақ, бұған дейін Илон Масктың Твиттерді сатып алуға ұсыныс жасағанын хабарлаған болатынбыз. Андерсонға берген сұхбатында ол Twitter ұсынысына бас тартқан жағдайда қосымша жоспары бар екенін айтты. Бірақ жоспары туралы толығырақ ештеңені ашып айтпады.

Дереккөз: businessinsider.com

© Фото ашық көздерден алынды

 

Соңғы жазбалар

Қазақстан ҰҚШҰ-дан шығуға мәжбүр болуы мүмкін – саясаттану профессоры

0
НЬЮ-ЙОРК. KazUnite - Саясаттану профессоры Полин Джонс жақында CDDRL және TEC бірлесіп ұйымдастырған Reds семинарында сөйлеген сөзінде Украинадағы Ресейдің жаңарған агрессиясы Мәскеудің Еуразиялық көршілерімен...

Қытай мен Астана хабы мемлекеттік басқару бойынша жаңа жобалар талқылауда

0
Астана Мемлекеттік қызмет хабы Басқарушы комитеті төрағасы Алихан Байменов пен Қытай ұлттық мемлекеттік басқару академиясы атқарушы Вице-президенті Си Чунтао екіжақты ынтымақтастық мәселелерін талқылады. Кездесуге ҚХР-ның...

«New York Fashion Week-2024» халықаралық сән көрсетілімінде Қазақстанның Әнұраны шырқалды

0
Нью-Йорк қаласындағы «Leman Ballroom» залында  «New York Fashion Week-2024» халықаралық сән көрсетілімінің 16-маусымы ашылуында қазақстандық дизайнердің ұлттық сән үлгілері ұсынылып, қазақ әншісі өнер көрсетті,...

Шетелдіктер асырап алған қазақ балаларының Қазақстанға оралатыны рас па?

0
KazUnite - Кезінде шетелдіктер асырап алған қазақ балалары Қазақстанда біраз уақыт білім алып, қазақ тілін үйренеді. Бұл туралы «Шетелдегі қазақ балалары» жобасының авторы, белгілі...

Қазақ тілі Испания патшалығында да үйретілетін болды

0
KazUnite - «Tildes.kz» клубының филиалы өз мүшелерінің сұранысы аясында Испания Патшалығында да ашылды. Аталған клуб іргетасы 2022 жылы Халықаралық «Қазақ тілі» қоғамы Астана қалалық...