КөзқарасҚазақша сөйлейтін Максим Рожинді “аульный русский” деп келемеждеген кім?

Қазақша сөйлейтін Максим Рожинді “аульный русский” деп келемеждеген кім?

 

НҰР-СҰЛТАН. KazUnite – Қаладағы дәмханалардың бірінде ұялы телефонымен қазақша тілдесіп отырған Халықаралық «Қазақ тілі» қоғамының вице-президенті Максим Рожкинді сыртынан әлдебір азамат қасындағы басқа ұлт өкіліне “аульный русский” деп атаған. Бұл туралы Максим Рожин өзінің Facebook аккаунтында жазды.

«Жазбасқа болмай тұр, «айтайын десем жалғызым, айтпайын десем жалмауызым» дегендей, жаңа ғана мынандай жағдай болды. Түскі асқа келіп, үстелде отырмын. Алдымда солтүстік мемлекеттен келген біреу, (түріне қарасам бизнес мәселесімен келген адам сияқты, солтүстік гастербайтері қысқасы) оның жанында өзіміздің азамат отыр. Сонымен не керек, асты күтіп отырғанда телефоным шырылдап, тіршілік мәселесімен сөйлесе бастадым. Даусым қатты шықты ма, қазақша сөйлесіп отырғамыма ма, алдымда отырған маған бұрылып, бедірейіп қарады. Сосын досына «он что по казахски говорит?» – деді дауыстап. Содан соң тағы бұрылып, менің әңгімелесіп отырғаныма қарап отырды. не деген «беспардонный»… Қызығы әрі қарай болды. Сөйлесіп болдым, тамақ ішіп отырмын. Көрші үстел мені немесе мен сияқтыларды әңгіме етіп отыр. Мені «орысша білмейді» деп ойлады ма әйтеу, сонда әлгі біздің азамат: «да эти аульные русские все такие» деді. Бельгер ағамыз жарықтық айтып еді «мен ауылдың мәмбетімін» деп. Гастерлер жарайды, олар бұл мәселеге жабайылық пен қарауы мүмкін аузын ашып. Енді біздің өзіміздің жігіттер, сондай болмасаңдаршы енді. Ұят қой…. Қазақ тілі тек ауылдың тілі деп кім айтты сендерге?» – деп жазды Максим.

Сонымен қатар ол келімсектерге қалай өнеге көрсету керектігін де атап өтті.

«Тағы бір мәселе, осындай келіп-кететіндерге ең болмаса тәрбие беріп қалайық. Жанында болсақ, елдеріне қайтқанда адам болуларына бір сауабымыз болсын. Менің әйтеуір айтып үлгергенім: «у нас вот так пялиться не принято, это невоспитанность», – дедім. Кейін ойланып отырсам, елдің бәрінде этикет солай емес пе еді», – деп түйіндеді ол.

 

Соңғы жазбалар

Қазақстан ҰҚШҰ-дан шығуға мәжбүр болуы мүмкін – саясаттану профессоры

0
НЬЮ-ЙОРК. KazUnite - Саясаттану профессоры Полин Джонс жақында CDDRL және TEC бірлесіп ұйымдастырған Reds семинарында сөйлеген сөзінде Украинадағы Ресейдің жаңарған агрессиясы Мәскеудің Еуразиялық көршілерімен...

Қытай мен Астана хабы мемлекеттік басқару бойынша жаңа жобалар талқылауда

0
Астана Мемлекеттік қызмет хабы Басқарушы комитеті төрағасы Алихан Байменов пен Қытай ұлттық мемлекеттік басқару академиясы атқарушы Вице-президенті Си Чунтао екіжақты ынтымақтастық мәселелерін талқылады. Кездесуге ҚХР-ның...

«New York Fashion Week-2024» халықаралық сән көрсетілімінде Қазақстанның Әнұраны шырқалды

0
Нью-Йорк қаласындағы «Leman Ballroom» залында  «New York Fashion Week-2024» халықаралық сән көрсетілімінің 16-маусымы ашылуында қазақстандық дизайнердің ұлттық сән үлгілері ұсынылып, қазақ әншісі өнер көрсетті,...

Шетелдіктер асырап алған қазақ балаларының Қазақстанға оралатыны рас па?

0
KazUnite - Кезінде шетелдіктер асырап алған қазақ балалары Қазақстанда біраз уақыт білім алып, қазақ тілін үйренеді. Бұл туралы «Шетелдегі қазақ балалары» жобасының авторы, белгілі...

Қазақ тілі Испания патшалығында да үйретілетін болды

0
KazUnite - «Tildes.kz» клубының филиалы өз мүшелерінің сұранысы аясында Испания Патшалығында да ашылды. Аталған клуб іргетасы 2022 жылы Халықаралық «Қазақ тілі» қоғамы Астана қалалық...