АқпаратДжулия мен Салтанат

Джулия мен Салтанат

 

Өткен аптада екі бейкүнә қызды бірін – Астанада, екіншісін – Венеция маңында өздері сенген, арқа сүйеген жақындары асқан жауыздықпен өлтірген. Екі оқиға да екі елді дүр сілкіндірді. Бірақ екі ел – екі әлем.

Сенбі күні 22 жасар студент Джулия Чекеттиниді бұрынғы жігіті пышақтап өлтіргені итальян қоғамына төбеден жай түскендей әсер етті. Үкімет пен қоғам мұны әйелдерді қасақана өлтіру – фемицид деп атап, мейілінше наразылықтарын білдіруде.

Егер Салтанат Нүкенованың өліміне кейбір қазақ блогерлері әйелдің өзін кінәлі етуге тырысса, Италияда ең алдымен танымал ер адамдар әйелдерді өлтіру масқара жағдай екенін айтып, дабыл қақты.

«Сүйкімді ханзаданың кейпіндегі сүмелек қорқақтар, жетеді оларға төзуге», – деген ашумен Италия футбол құрама командасының бас бапкері Лучано Спаллетти «әйелдер еркіндігіне қол сұғатын кез-келген адамнан» араша болу қажеттігін айтты. Тағы бір белгілі футболшы Клаудио Маркизио «мәселе – ерлерде» дей отырып, оларды жауапкершілікке шақырды.

Вице-премьер, Сыртқы істер министрі Антонио Таяни ерлер атынан Италия әйелдері алдында кешірім сұрады.

Премьер-министр Джорджия Мелони әйелдердің өлтірілуін «төзуге болмайтын ауытқушылық» деп атап, «варварлықты тыю» керектігін мәлімдеді. Әйелдерге зорлық-зомбылық көрсетуге қарсы ақпараттық кампания жарияланды. Бірнеше күнде сенім телефонына хабарласушылар екі есе артқан.

Сенат арнайы заң жобасына кірісті. Мектептерде қарым-қатынас пән ретінде оқытылу қарастырылмақ.

Суретте: Туринде әйелдерге зорлық-зомбылыққа қарсы наразылық акциясына шыққан қазақстандық Dinara Kanzler.

Италияда жаппай акциялар мен пикеттер жалғасуда, университет, мектептер мен концерттерде үнсіздік минөттері жариялануда. Маршқа шыққандар арасында күдікті жігіттің әке-шешесі де бар. Олар жүректері қарс айырылып, ұлының заң алдына жауап беретінін айтуда. Ең үлкен шеру Римде 25 қарашада халықаралық гендерлік зорлық-зомбылыққа қарсылық күні өтеді.

Джулия 60 млн халқы бар Италияда – жыл басынан өлтірілген 105-ші әйел. Халқы үш есе аз Қазақстанда, жыл сайын 400-ге жуық әйел тұрмыстық зорлық-зомбылықтан көз жұматыны талай жазылды. Бірақ неше әйел серігінен соққы алды, мүгедек болды, қайтыс болды, ол туралы нақты ақпарат жоқ.

Әйелге қарым-қатынас – сол қоғамның айнасы.

Фотолар интернеттегі ашық дерек көздерінен алынды.

 

Соңғы жазбалар

Қазақстан ҰҚШҰ-дан шығуға мәжбүр болуы мүмкін – саясаттану профессоры

0
НЬЮ-ЙОРК. KazUnite - Саясаттану профессоры Полин Джонс жақында CDDRL және TEC бірлесіп ұйымдастырған Reds семинарында сөйлеген сөзінде Украинадағы Ресейдің жаңарған агрессиясы Мәскеудің Еуразиялық көршілерімен...

Қытай мен Астана хабы мемлекеттік басқару бойынша жаңа жобалар талқылауда

0
Астана Мемлекеттік қызмет хабы Басқарушы комитеті төрағасы Алихан Байменов пен Қытай ұлттық мемлекеттік басқару академиясы атқарушы Вице-президенті Си Чунтао екіжақты ынтымақтастық мәселелерін талқылады. Кездесуге ҚХР-ның...

«New York Fashion Week-2024» халықаралық сән көрсетілімінде Қазақстанның Әнұраны шырқалды

0
Нью-Йорк қаласындағы «Leman Ballroom» залында  «New York Fashion Week-2024» халықаралық сән көрсетілімінің 16-маусымы ашылуында қазақстандық дизайнердің ұлттық сән үлгілері ұсынылып, қазақ әншісі өнер көрсетті,...

Шетелдіктер асырап алған қазақ балаларының Қазақстанға оралатыны рас па?

0
KazUnite - Кезінде шетелдіктер асырап алған қазақ балалары Қазақстанда біраз уақыт білім алып, қазақ тілін үйренеді. Бұл туралы «Шетелдегі қазақ балалары» жобасының авторы, белгілі...

Қазақ тілі Испания патшалығында да үйретілетін болды

0
KazUnite - «Tildes.kz» клубының филиалы өз мүшелерінің сұранысы аясында Испания Патшалығында да ашылды. Аталған клуб іргетасы 2022 жылы Халықаралық «Қазақ тілі» қоғамы Астана қалалық...