KazUnite – Кезінде шетелдіктер асырап алған қазақ балалары Қазақстанда біраз уақыт білім алып, қазақ тілін үйренеді. Бұл туралы «Шетелдегі қазақ балалары» жобасының авторы, белгілі журналист Жанар Байсемізова мәлім етті, деп хабарлайды kazunite.com тілшісі.
«Шетелдегі қазақ балалары Қазақстанға келеді. Қазақ тілін оқиды, қазақ мәдениетімен танысады, қазақтың тарихын біледі. Қазіргі уақытта әл-Фараби атындағы Қазақ Ұлттық университеті ресми хат дайындап жатыр. Университеттің атынан Гүлшара Асылбайқызы осы іске жанын салып, кірісіп жатыр. Хат дайын болған соң шет елдегі Қазақстан Республикасының елшіліктеріне жолдаймыз. «Шетелдегі қазақ балалары» жобасының осылай жалғасып жатқанына бек ризамын», – деп жазды Жанар Байсемізова instagram аккаунтында.
Оның сөзінше, шетелдіктер асырап алған қазақстандық балалардың елде қиналмай жүруіне барлық жағдай жасалады.
«Олардың жол шығыны, визасы төленеді. Үш мезгіл тамақ, жатақхана тегін беріледі, шәкіртақы алады. Ұзақ уақытқа келе алмайтындары үш ай, уақыты барлары тоғыз ай оқиды. Елге келіп, ана тілін үйренуге Талғат, Сардар, Әнел және Сұлтан құлшынып отыр. Сабина да келуі мүмкін. Әнел тоғыз айға келгісі келіп жүр. Талғат бүгін қашан келе алатынын сұрап жатыр», – деді ол.
Посмотреть эту публикацию в Instagram
Естеріңізге салсақ, бұған дейін KazUnite порталында америкалық отбасы асырап алған қазақ баласы Диаспен, кейінірек оны құшағына басқан америкалық анасымен сұхбат жарияланған болатын.
