МотивацияҚазақтарға ғана құшағын ашқан америкалық бала

Қазақтарға ғана құшағын ашқан америкалық бала

 

НЬЮ-ЙОРК. KazUnite – Лас-Вегас әуежайында Димаш Құдайбергенмен кездескен америкалық жанкүйерлердің арасындағы қазақ әншісінің мейіріміне бөленген Габриел есімді ұл баланы қазақтармен нендей тылсым байланыстыруы мүмкін?

Бұған дейін Димаш Құдайберген Лас-Вегас әуежайында жанкүйерлерімен жүздесуі кезінде 10 жасар Габриел есімді америкалық баланы құшағына қысып, үстіндегі костюмін оған сыйға тартқанын жариялаған болатынбыз.

Габриелдің шашының ұзындығына байланысты оқырмандар тарапынан түрлі сауалдар келіп түсті. Иә, оның шашы ұзын. Оның себебін Альмира Ерболат Габриелдің анасы Нэнсиден сұрап білді.

Нэнсидің айтуынша, Габриел сырттағы адамдардың оның басына қол тигізгенін қаламайды екен. Сол себепті де шаштараздың табалдырығын аттамайтын сияқты. Тіпті анасынан басқа адам баласын жанына жуытпай, құшақтамайтын көрінеді.

«Өздеріңіз көргендей, Габриел әуежайдағы кездесуде Димашты қатты құшақтады. Өзінің костюмін арқасына жапқан соң Димаш оның басынан сипағанын да байқаған боларсыз. Қазақ әншісімен жолықпай тұрған кезде мені алғаш көргенінде Габриел балақай екеуміз бір-бірімізді бұрыннан танитын адамдардай құшақтасып, жылы амандасқанбыз. Сол кезде мен де оның басынан бірнеше рет сипағанмын. Бірақ ол менің сол әрекетімді теріс көрмеді. Бұған анасы Нэнси таңқалды. «Жарайды, Димашты пір тұтып, жақсы көреді. Сол үшін де оған ештеңе демеуі мүмкін еді. Бірақ өмірінде бірінші рет көріп тұрған сізді жақын тартқанына таңдандым. Содан кейін маған қазақтардың киесі бар сияқты көрінді. Бұл жерде расында да бір тылсым күштің бары анық. Сондықтан 23 қыркүйек күні Алматыда өтетін Димаштың концертіне баламды алып барамын деп шештім. Оған қазақтың жерін көрсеткім келді», – дейді Нэнси. Қазір онымен үнемі телефонмен байланысып отырмыз. Жалғызбасты анаға Лас-Вегастан Алматыға ұшып бару, жол шығыны оңай емес шынында. Бірақ ол барлық қиындыққа қарамастан баласын қазақ жеріне алып баруды мақсат қойып отыр. Дубайға аялдаған сәтінде хабарласқанымызда Нэнси Димашпен жолыққан күннен бері ерекше толқыныстан әлі де ұйықтамағанын айтты. Жүректері алып-ұшып, мұхит асып бара жатқан қонақтарды қазақ жұрты жылы қарсы алып, АҚШ-қа ерекше көңіл күймен оралса екен деп тілеп отырмыз», – деді Нью-Йоркте тұратын қазақ қызы Альмира Ерболат.

Естеріңізге салсақ, Габриелге аутизм диагнозы қойылғандықтан, 9 жасына дейін дұрыс сөйлей алмаған-ды. Былтыр интернеттен Димаштың әндерін тыңдай бастаған ол әуезді әндерді нақышына келтіріп айтып, сөйлеу мәнері жақсарыпты. Кездескен кезде баласының осы жағдайын Нэнси қазақ әншісіне тебіреніп жеткізгенде Димаш Габриелге ерекше мейірленіп, үстіндегі костюмін сыйға тартқан еді.

 

Соңғы жазбалар

Астана архитектурасында қолтаңбасы бар саңлақ сәулетші

0
АСТАНА. KazUnite - Уақыт ізін айшықтауға келгенде сәулет өнерінен асқан құдіретті дүние кемде-кем. Қара жерге қазық болып қағылып, зәулім болып іргесі қаланатын ғимараттар қай...

Түркия туризмі рекордтық көрсеткішке қол жеткізді

0
KazUnite - Түркияның Мәдениет және туризм министрлігі 2022 жылғы туризм нәтижесін жариялады. Бұл пандемиядан кейін туризм саласындағы жаңа рекордтарды көрсетеді әрі Түркияның алдағы 5...

Атажұрт алғаш көргеннен жүрегімізді баурап алды – Америкадағы кәсіпкер қазақ қызы

0
НЬЮ-ЙОРК. KazUnite - Американың еңбек нарығы қандай? АҚШ-та тұратын қазақтардың табыс мөлшері басқа қауымдастық өкілдерімен, жергілікті халықтың еңбекақысымен салыстырғанда қаншалықты  айрымашылық бар? Құрама Штаттардағы...

Әлемнің ірі компанияларына таныссыз жұмысқа тұруға болады – Schlumberger компаниясының вице-президенті

НЬЮ-ЙОРК. KazUnite - Әлемдік ірі компанияда жұмыс істеу үшін не істеу керек? Шетелдік компанияда қызметіңіздің өсуі үшін бойыңызда қандай қасиет болуы керек? Әлемдік компания...

Бұл жұпты жүз жылда бір болатын құбылысқа теңеймін – Сәрсенбай Құрманғазыұлы

0
АТЫРАУ. KazUnite - Кеңес дәуірінде инженер, архитектор мамандықтарына бет бұрған қазақ ұлтының өкілдері аса көп болмаған еді. Сол дәуірде осы мамандықты игерген қазақтың бірі...