اقپارات"مەنىڭ اتىم قوجا": ەلوردادا بالالاردىڭ سۇيىكتى كەيىپكەرىنە ارناپ ەسكەرتكىش اشىلدى

“مەنىڭ اتىم قوجا”: ەلوردادا بالالاردىڭ سۇيىكتى كەيىپكەرىنە ارناپ ەسكەرتكىش اشىلدى

Тарату:

نۇر-سۇلتان. KazUnite – ەلوردادا بالالار جىلى اياسىندا بەردىبەك سوقپاقباەۆتىڭ “مەنىڭ اتىم قوجا” شىعارماسىنىڭ جەلىسى بويىنشا باستى كەيىپكەرىنە ارنالعان ەسكەرتكىشتىڭ سالتاناتتى اشىلۋى ءوتتى، دەپ حابارلايدى نۇر-سۇلتان اكىمدىگىنىڭ رەسمي سايتى.

سالتاناتتى ءىس-شارا قالالىق اكىمدىكتىڭ قولداۋىمەن “جەتىسۋ” ساياباعىندا ءوتتى.

“قوجا” پوۆەسىندەگى كەيىپكەر – ءاربىر ادامنىڭ بالالىق شاعىنىڭ سۇيىكتى كەيىپكەرىنە اينالعان. سول سەبەپتى ەسكەرتكىش حالىقارالىق بالالاردى قورعاۋ كۇنىنە وراي اشىلدى.

ەسكەرتكىش اشۋ يدەياسىنىڭ اۆتورى – جازۋشى جانبولات اۋپباەۆ. ول قازاق حالقىنىڭ بالا تاربيەلەۋگە ەجەلدەن ەرەكشە ءمان بەرەتىنىن ايتا كەلە، وسى ءبىر بولمىستى بەينەلەيتىن سوقپاقباەۆ پوۆەسىنىڭ كەيىپكەرىنە مونۋمەنت ورناتۋ جونىندە ويىن ايتتى.

ەسكەرتكىشتىڭ جالپى بيىكتىگى – ۱۸۳ سم، قولادان جانە گرانيتتەن جاسالعان. ءمۇسىنشى ازامات تالاپحاننىڭ ايتۋىنشا، جۇمىس ءۇش ايعا سوزىلدى.

“ماعان وسى ەسكەرتكىشتى جاساۋ تۋرالى ۇسىنىس تۇسكەن بويدا ءتۇرلى يدەيالاردى ويلاستىرا باستادىم. ەسكەرتكىش ارقىلى باس كەيىپكەردىڭ مىنەزىن كورسەتۋ، شىعارما جەلىسىن جەتكىزۋ وتە ماڭىزدى بولدى. سونىمەن، ءفيلمنىڭ ەستە قالارلىق كورىنىستەرىنىڭ ءبىرىن بەينەلەۋ جونىندە شەشىم قابىلداپ، قوجانىڭ اينا الدىندا وتىرعان ءساتىن كورسەتتىك. جۇمىستا ايتارلىقتاي قيىندىقتار بولعان جوق. ەسكەرتكىش جۇرتقا ۇنايدى دەپ ۇمىتتەنەمىن”، – دەدى مونۋمەنت اۆتورى.

جازۋشىنىڭ قىزى سامال سوقپاقباەۆانىڭ ايتۋىنشا، قوجا ەسىمدى كەيىپكەر ۇلتتىق قاحارمانعا اينالدى.

“بۇل پوۆەست وتە ايگىلى. بۇگىنگە دەيىن جۇرت اراسىندا شىعارمانىڭ ۇزىندىلەرى ايتىلىپ كەلەدى. قوجا ۇجىمدىق، ۇلتتىق بەينەگە اينالدى. كىتاپتىڭ، ءفيلمنىڭ باستى كەيىپكەرى مەيىرىمدىلىگىمەن، باتىلدىعىمەن، ادالدىعىمەن جانە ادىلەتتىلىگىمەن ەرەكشەلەنەدى. قوجا ۇلتتىڭ بولمىس-ءبىتىمىن بويىنا ءسىڭىرىپ وسكەنىن كورۋگە بولادى. سوندىقتان بۇل شىعارمانى حالقىمىز جاقسى كورەدى. شىعارمانىڭ سوڭى دا جاقسى اياقتالادى. شەبەر جازىلعان شىعارما دارىندى رەجيسسەر ابدۋللا قارساقباەۆتىڭ قولىنا ءتۇستى. مىقتى جازۋشى مەن دارىندى رەجيسسەردىڭ ەڭبەگىنىڭ ارقاسىندا كينوتۋىندى سول تۇستاعى بۇكىل كەڭەس وداعىن جاۋلاپ الدى. كوپ ۇزاماي كانن فەستيۆالىنىڭ “بالالارعا ارنالعان ەڭ جاقسى شەتەلدىك فيلم” سىيلىعىنا يە بولدى. بۇل ءبىزدىڭ كينويندۋستريانىڭ وراسان زور جەتىستىگى، ال كارتينا قازاق كينوونەرىنىڭ التىن قورىنا ەندى”، – دەدى جازۋشى بەردىبەك سوقپاقباەۆتىڭ قىزى.

Тарату:

Соңғы жазбалар

قازىرگى قازاق ساتيراسى دەمالىپ جاتىر – كوپەن امىربەك (اۋديو)

0
استانا. KazUnite – قازاق ساتيراسىنىڭ ساردارى، قازاقستان جازۋشىلار وداعى باسقارماسى ساتيرا كەڭەسىنىڭ توراعاسى، "ارا" جۋرنالىنىڭ باس رەداكتورى بولعان كوپەن امىربەكتىڭ (۱۹۵۰-۲۰۲۲) كوزى تىرىسىندە ارىپتەسىمىزگە...

مەتەوريت ماتەماتيك اتانعان عالىم

0
الماتى. KazUnite – جەتەكشى عىلىمي قىزمەتكەر قايرات يسحاننىڭ پروفەسسور توقتار نۇرەكەنوۆ تۋرالى ماقالاسىن وقىرمان نازارىنا ۇسىنامىز. ءبىز تۋىپ-وسكەن قازىرگى اباي وبلىسى اقسۋات اۋدانىنداعى كەڭ جازىقتا...

امەريكا قازاقتارى قازاقستاننىڭ تاۋەلسىزدىك كۇنىنە دايىندىقتى قازاندا باستادى

0
فيلادەلفيا. KazUnite – اقش-تاعى قازاقتار قازاقستاننىڭ تاۋەلسىزدىك كۇنىنە دايىندىقتى قازان ايىندا باستادى. "قۇرمەتتى وتانداستار! ۱۵ جەلتوقسان كۇنى فيلادەلفيا قالاسىندا وتەتىن تۋ كوتەرۋ راسىمىنە ۲ مىڭ...

ءار ساباعى شاعىن زەرتتەۋگە اينالعان پەداگوگ

0
KazUnite – "التى الاشتىڭ بالاسى باس قوسسا، ءتور مۇعالىمدىكى" دەپ ماعجان جۇماباەۆ ايتقانداي، ۇستازدار كۇنىنە وراي نازارباەۆ زياتكەرلىك مەكتەبىندە ۇزاق جىلدار ۇستازدىق ەتكەن تاجىريبەلى...

قازاقتارعا عانا قۇشاعىن اشقان امەريكالىق بالا

0
نيۋ-يورك. KazUnite – لاس-ۆەگاس اۋەجايىندا ديماش قۇدايبەرگەنمەن كەزدەسكەن امەريكالىق جانكۇيەرلەردىڭ اراسىنداعى قازاق ءانشىسىنىڭ مەيىرىمىنە بولەنگەن گابريەل ەسىمدى ۇل بالانى قازاقتارمەن نەندەي تىلسىم بايلانىستىرۋى مۇمكىن؟ بۇعان...