ارتامەريكالىقتاردىڭ قوبىزعا دەگەن قىزىعۋشىلىعى وتە جوعارى – اسەل نۇركەنوۆا

امەريكالىقتاردىڭ قوبىزعا دەگەن قىزىعۋشىلىعى وتە جوعارى – اسەل نۇركەنوۆا

Тарату:

نيۋ-يورك. KazUnite – امەريكادا تۇراتىن قازاقتىڭ قوبىزشى قىزى اسەل نۇركەنوۆا قازاقستاننىڭ مەملەكەتتىك رامىزدەر كۇنىنە ارناپ “كوك تۋدىڭ جەلبىرەگەنى” انىنە قوبىزبەن كاۆەر جازىپ، بەينەبايان ءتۇسىردى. ەڭبەك جولىن نۇرعيسا تىلەنديەۆتىڭ ارنايى شاقىرتۋىمەن “وتىرار-سازى” وركەسترىندە باستاپ، كەيىننەن پرەزيدەنت وركەسترىندە قىزمەت ەتىپ، ۇلتتىق ونەردى “بەلەس” ەتنو-توبىمەن بىرگە الەمنىڭ كوپتەگەن ەلىندە ناسيحاتتاعان اسەل نۇركەنوۆا قازاقتىڭ قوبىزىن بۇگىندە نيۋ-يوركتە دە دارىپتەپ ءجۇر.
– اسەل حانىم، اقش-تا تۇرىپ جاتقانىڭىزعا كوپ بولدى ما؟
– امەريكادا تۇرىپ جاتقانىما ۴ جىلدان استام ۋاقىت بولدى. ونىڭ الدىندا بىرنەشە رەت ونەر ۇجىمدارىمەن كەلگەنمىن. سول كەزدە نيۋ-يورك قالاسى ماعان ەرەكشە اسەر بەرگەن ەدى. قازىرگى ۋاقىتتا اعىلشىن ءتىلىن ۇيرەنىپ ءجۇرمىن.
– قوبىزعا اۋەستىگىڭىز قاشان باستالدى؟ قايدا وقىدىڭىز، قاي ونەر ۇجىمدارىندا قىزمەت اتقاردىڭىز؟ قازاقستاننىڭ قاي وڭىرىنەنسىز؟
– جامبىل وبلىسى شۋ وڭىرىندە تۋىپ-ءوستىم. بالا كەزىمنەڭ اۋىلدىڭ تىنىس-تىرشىلىگىن كورىپ ءوستىم. قازاقتىڭ ءان مەن كۇيىن سول جەردە بويىما ءسىڭىردىم. جەتى جاسىمدا الماتىداعى كۇلاش بايسەيتوۆا اتىنداعى دارىندى بالالارعا ارنالعان مەكتەبىنە ءتۇستىم. ول جەردە ونەر قايراتكەرى، دارىندى ۇستاز ورازاليەۆا عاليا ابدۋللاقىزىنىڭ قوبىز كلاسىندا بولدىم. مەكتەپتى بىتىرگەن سوڭ قۇرمانعازى اتىنداعى قازاق ۇلتتىق كونسەرۆاتورياسىندا وقىدىم. ستۋدەنت بولىپ جۇرگەن كەزىمدە العاشقى ەڭبەك جولىمدى نۇرعيسا تىلەنديەۆتىڭ تىكەلەي شاقىرتۋىمەن “وتىرار-سازى” وركەسترىندە باستادىم. نۇرعيسا اتامىزدىڭ قاسىندا ءجۇرىپ، كوپتەگەن كونتسەرتتەرگە قاتىسىپ، ۇلكەن تاجىريبە جينادىم.
وقۋىمدى بىتىرگەن سوڭ ەلورداعا، پرەزيدەنت وركەسترىنە شاقىرتۋ الدىم. استاناداعى باستى ءىس-شارالاردىڭ كوبىنە قاتىستىم. سول ۇجىمدا ونەر جولىندا بىرگە جۇرگەن ارىپتەس-دوستارىممەن “بەلەس” ەتنو-توبىن قۇردىق. توپتىڭ ونەرى تىڭدارمانداردىڭ جۇرەگىنەن ءوز ورنىن تاپتى دەپ ويلايمىن. ويتكەنى توبىمىز ۇلكەن سۇرانىسقا يە بولىپ ءجۇردى. “بەلەسپەن” بىرگە جارتى الەمدى شارلادىق دەسەم، ارتىق ايتقاندىق بولماس. قازاقتىڭ ونەرىن وسى توپپەن بىرگە كەڭىنەن ناسيحاتتاۋ باقىتى بۇيىردى. ونەر جولىندا ءجۇرىپ، ءبىراز جەتىستىكتەرگە جەتتىك.
– بۇگىندە الەۋمەتتىك جەلىدە نيۋ-يورك كوشەلەرىندە قوبىز شەرتكەن ۆيدەولارىڭىزدى بايقادىق. امەريكالىقتار قازاقتىڭ ۇلتتىق اسپابى قوبىزدىڭ ءۇنىن ەستىگەندە قانداي اسەردە بولادى؟
– امەريكالىقتاردىڭ قوبىزعا دەگەن قىزىعۋشىلىقتارى وتە جوعارى. ولار ءۇشىن قوبىز ەرەكشە اسپاپ بولىپ سانالادى.
– كوپشىلىككە بەلگىلى “كوك تۋدىڭ جەلبىرەگەنى” انىنە قوبىزبەن كاۆەر جازىپ، بەينەبايان ءتۇسىرىپسىز. وتە ءساتتى شىعىپتى. بۇل يدەيا قايدان پايدا بولدى؟ وسى بەينەباياندا نەنى كورسەتكىڭىز كەلدى؟
– “كوك تۋدىن جەلبىرەگەنى” انىنە كاۆەر جازۋ بۇرىننان ويىمدا ءجۇر ەدى. ويتكەنى بۇل – قازاقتىڭ رۋحىن كوتەرەتىن، بولمىسىن كورسەتەتىن، پاتريوتتىق سەزىمدى وياتاتىن ءان. سوندىقتان مەملەكەتتىك رامىزدەر كۇنىنە ارنايى وسى روليكتى تۇسىردىك. وزدەرىڭىز بىلەتىندەي، الەمدە ءارتۇرلى جاعدايلار بولىپ جاتقان قازىرگى كەزدە ەلدىگىمىزدى، مەملەكەتتىگىمىزدى ساقتاپ قالۋ وتە ماڭىزدى. جانە دە بۇگىنگى جاستارعا ءسال دە بولسا ونەگە بولسىن دەدىك.
– سۇحباتىڭىزعا راقمەت!

Тарату:

Соңғы жазбалар

قازىرگى قازاق ساتيراسى دەمالىپ جاتىر – كوپەن امىربەك (اۋديو)

0
استانا. KazUnite – قازاق ساتيراسىنىڭ ساردارى، قازاقستان جازۋشىلار وداعى باسقارماسى ساتيرا كەڭەسىنىڭ توراعاسى، "ارا" جۋرنالىنىڭ باس رەداكتورى بولعان كوپەن امىربەكتىڭ (۱۹۵۰-۲۰۲۲) كوزى تىرىسىندە ارىپتەسىمىزگە...

مەتەوريت ماتەماتيك اتانعان عالىم

0
الماتى. KazUnite – جەتەكشى عىلىمي قىزمەتكەر قايرات يسحاننىڭ پروفەسسور توقتار نۇرەكەنوۆ تۋرالى ماقالاسىن وقىرمان نازارىنا ۇسىنامىز. ءبىز تۋىپ-وسكەن قازىرگى اباي وبلىسى اقسۋات اۋدانىنداعى كەڭ جازىقتا...

امەريكا قازاقتارى قازاقستاننىڭ تاۋەلسىزدىك كۇنىنە دايىندىقتى قازاندا باستادى

0
فيلادەلفيا. KazUnite – اقش-تاعى قازاقتار قازاقستاننىڭ تاۋەلسىزدىك كۇنىنە دايىندىقتى قازان ايىندا باستادى. "قۇرمەتتى وتانداستار! ۱۵ جەلتوقسان كۇنى فيلادەلفيا قالاسىندا وتەتىن تۋ كوتەرۋ راسىمىنە ۲ مىڭ...

ءار ساباعى شاعىن زەرتتەۋگە اينالعان پەداگوگ

0
KazUnite – "التى الاشتىڭ بالاسى باس قوسسا، ءتور مۇعالىمدىكى" دەپ ماعجان جۇماباەۆ ايتقانداي، ۇستازدار كۇنىنە وراي نازارباەۆ زياتكەرلىك مەكتەبىندە ۇزاق جىلدار ۇستازدىق ەتكەن تاجىريبەلى...

قازاقتارعا عانا قۇشاعىن اشقان امەريكالىق بالا

0
نيۋ-يورك. KazUnite – لاس-ۆەگاس اۋەجايىندا ديماش قۇدايبەرگەنمەن كەزدەسكەن امەريكالىق جانكۇيەرلەردىڭ اراسىنداعى قازاق ءانشىسىنىڭ مەيىرىمىنە بولەنگەن گابريەل ەسىمدى ۇل بالانى قازاقتارمەن نەندەي تىلسىم بايلانىستىرۋى مۇمكىن؟ بۇعان...