ءومىر سالتى"نيۋ-يوركتە "بومجدان" اقشا سۇرادىم" – ستۋدەنت ەستەلىگى

“نيۋ-يوركتە “بومجدان” اقشا سۇرادىم” – ستۋدەنت ەستەلىگى

Тарату:

نيۋ-يورك. KazUnite ەلەكتروندى پوشتاعا كەلگەن امەريكادا وقيتىن قازاق ستۋدەنتىنىڭ بوتەن ءارى الىپ شاحارداعى باسىنان وتكەن قىزىقتى ءساتى تۋرالى جازباسىن وقىرمان نازارىنا ۇسىنادى.

نيۋ-يوركتە “بومجدان” اقشا سۇرادىم. جاي سۇرامادىم، جىلاپ تۇرىپ سۇرادىم.

كۇن ۇياسىنا كىرىپ، كەش باتىپ كەتكەن ەدى. مەن مانحەتتاننان حوستەلگە جاياۋ كەلە جاتىرمىن. شاكىرتاقى ءالى تۇسپەگەندىكتەن، كارتادا اقشا جوق. قولدا كەسەك اقشا قالعان، مەتروعا قاجەتتى مايدا $2.۷۵ بولماعاندىقتان، جاياۋ بارامىن دەپ شەشتىم. ءبىر جاعىنان كەشكى نيۋ-يوركتى كورىپ، ەكىنشىدەن، جاياۋ جۇرگەندى ۇناتاتىنىم بار. سوندىقتان مەن ءۇشىن بۇل ەش قيىندىق تۋدىرمادى. بىراق… بىراق حوستەلگە كولىكسىز جەتۋ ءۇشىن كولدى ءجۇزىپ ءوتۋىم كەرەك ەكەن. جاقسى جۇزە المايمىن، سوندىقتان پارومعا وتىرۋىم كەرەك. ول ءۇشىن بيلەت ساتىپ الۋىم قاجەت. وندا بيلەتتى ونلاين نەمەسە ارنايى ماشينا ارقىلى ساتىپ الاسىڭ. وعان $۲۰-دان كوپ اقشا سالۋعا بولمايدى، $۱۰۰ مايدالاپ بەرەتىن كاسسير جوق (دۇكەندە مايدالاۋ نەگە ويىما كەلمەگەنى ەسىمدە جوق). كۇن باتتى. دالا قاراڭعى. تەلەفوننىڭ قۋاتى تاۋسىلىپ، ءسونىپ قالعان.

“ەندى نە ىستەيمىن؟” دەپ قينالىپ تۇرسام، “بومج” ايەل اقشا سۇراپ،  قاسىمنان قالماي قويدى، قايدا بارسام، سوندا بارادى. “اقشام جوق” دەگەندى دە تۇسىنبەيدى.

اقشانى امال جوق ەلدەن سۇرايمىن دەپ شەشتىم. جانىمدا “بومج” ايەل. ەكەۋىمىز كۇشتى تاندەم بولىپ تۇرمىز.

ەكى جىگىتتەن “$2.۷۵ بەرەسىز بە؟” – دەپ سۇراپ ەدىم، – “كەش جوق، رەنجىمەڭىز”، – دەپ كەتە باردى.

نيۋ-يوركتە وتباسى، دوستارىمنان الىستا جالعىزسىراپ جۇرگەنىم بار، ماگيستراتۋرا الدىندا قوبالجۋ بار، ءالى تۇراتىن ءۇي تاپپاي حوستەلدە جۇرگەنىم بار، ەندى سول حوستەلگە دە جەتە الماي، دالادا قالۋ قاۋپى قوسىلىپ، جىلاپ جىبەردىم. شاراسىزدىقتان “بومج” ايەلگە “۲ دوللار، ۷۵ تسەنت بار ما؟” دەپ جىلاپ تۇرمىن. ول دا ساسپايدى، “جوق، مەندە اقشا جوق”، – دەپ قويادى.

كوزىمنەن جاس پارلاپ اعىپ جاتىر، اقشا سۇراعان ەكى جىگىت جىلاپ تۇرعانىمدى بايقاپ، قاسىما جۇگىرىپ كەلىپ “Are you ok؟” دەپ قالىمدى سۇراپ جاتىر. كوز جاسىمدى ارەڭ تىيىپ، “بيلەتكە اقشام جوق” دەپ ودان بەتەر جىلاپ جىبەردىم. ونى ەستي سالا، جاڭاعى جىگىتتەر كارتاسىمەن بيلەت ساتىپ الىپ بەردى.

ول بيلەتتى كوزىمنىڭ قاراشىعىنداي ساقتاپ، مۇقيات ۇستاپ تۇرمىن. ءتۇسىپ قالمادى ما دەپ قايتا-قايتا تەكسەرىپ قويام. “ارمان بولعان” پاروم دا كەلدى. پاروممەن ءجۇزىپ وتسەم، ۱۰ مينۋتتىق جەردە حوستەلىم ورنالاسقان. الايدا وسىمەن اسەمنىڭ سول تۇندەگى “شىتىرمان وقيعاسى” ءبىتتى دەپ ويلاساڭىز، قاتەلەسەسىز.

باسقا جەرگە باراتىن پارومعا وتىرىپ الىپپىن. اناۋ-مىناۋ جەر ەمەس برونكس دەگەن قاۋىپتى اۋداننان ءبىر-اق شىقتىم. ساعات تۇنگى ۲۲.۰۰. پاروم ەندى تاڭعى ۵-تە عانا جۇرەدى. مەتروعا جارتى ساعات جاياۋ ءجۇرىپ بارۋ كەرەك ەكەن. قاۋىپتى اۋداندا، جالعىز، تۇندە ءجۇرۋ. بررررر.

مەن تاعى جىلاي باستادىم (نەگىزى اناۋ-مىناۋعا جىلاي بەرمەيتىن ادام ەدىم). مەنىڭ جىلاعانىمدى كورىپ، ادامدار جانىما قاۋمالاپ العان. “نە بولدى؟” – دەپ سۇراپ جاتىر. جاعدايدى ءتۇسىندىرىپ ەدىم بالا-شاعاسىمەن جۇرگەن ەر ادام ءبىرىنشى مەتروعا دەيىن، ودان كەيىن حوستەلىمە دەيىن جەتكىزىپ سالاتىنىن ايتتى. ءبىراز الىسقا كەتىپ قالىپپىن. ءبىر ساعاتتاي ءجۇرىپ باردىق. بيلەت ساتىپ الىپ بەرگەن جىگىتكە دە، حوستەلگە دەيىن جەتكىزىپ تاستاعان ەرلى-زايىپتىعا دا الىعىسىم شەكسىز. اللاعا شۇكىر، سول كۇنى جاقسى ادامدار كەزدەستى. بۇل مەن ءۇشىن وتە جاقسى ساباق بولدى. قازىر ءبارىن جوسپارلاپ شىعاتىن بولدىم.

اسەم المۇحانبەت،
نيۋ-يورك قالاسى

Тарату:

Соңғы жазбалар

قازاقتارعا عانا قۇشاعىن اشقان امەريكالىق بالا

0
نيۋ-يورك. KazUnite – لاس-ۆەگاس اۋەجايىندا ديماش قۇدايبەرگەنمەن كەزدەسكەن امەريكالىق جانكۇيەرلەردىڭ اراسىنداعى قازاق ءانشىسىنىڭ مەيىرىمىنە بولەنگەن گابريەل ەسىمدى ۇل بالانى قازاقتارمەن نەندەي تىلسىم بايلانىستىرۋى مۇمكىن؟ بۇعان...

لاس-ۆەگاستاعى كەزدەسۋ: ۹ جاسىندا ديماشتىڭ اندەرىن تىڭداپ، ءتىلى شىققان گابريەل

0
لاس-ۆەگاس. KazUnite – تورتكۇل دۇنيە كوز تىككەن كاسىپقوي بوكسشىلار گەنناديي گولوۆكين مەن ساۋل الۆارەستىڭ تەڭدەسىز تريلوگياسىندا قازاقستاننىڭ ءانۇرانىن شىرقاۋعا ارنايى بارعان قازاق ءانشىسى ديماش...

ساۋدانىڭ ءتىلى نەگە ورىس ءتىلى؟

0
نۇر-سۇلتان. KazUnite – ەلىمىزدە بيزنەستىڭ ءتىلى نەگە ورىسشا؟ بۇل ماسەلە ءالى كۇنگە دەيىن وزەكتى. ساۋدا سالاسىنداعى ءتىل پروبلەماسىن قوعامنىڭ وزىنە اناليز جاساتۋ ءۇشىن KazUnite...

تۇركيادا “قaزiرگi موڭعوليا قaزaق اڭگiمەسi” اتتى كىتاپ جارىق كوردى

0
تۇركيا. KazUnite – تۇركيادa “GÜNÜMÜZ MOĞOLİSTAN KAZAK ÖYKÜSÜ” ("قaزiرگi موڭعوليا قaزaق اڭگiمەسi") اتتى كiتaپ جaرىق كوردi. بۇل تۋرالى kaznews.mn اقپارات اگەنتتىگى جاريالادى. "HECE" ("Xەجە") بaسپaسىنaن...

ءسان يندۋسترياسى: جىلىنا ۹۲ ملن توننا كيىم قوقىسقا كەتەدى

الماتى. قازاقستاندىقتار تۇتىنعان ەسكى زاتتارىن، كيىمدەرىن قايدا جىبەرەدى؟ ەسكى كيىمدەردى قابىلدايتىن ورىندار بار ما؟ جالپى قايتا وڭدەۋ جايىندا تۇرعىندار بىلە مە؟ KazUnite//اينۇر مۇراتوۆا وسى...