موتيۆاتسياقازاق جاستارى اقش-تىڭ كەز كەلگەن ءىرى كومپانياسىندا جۇمىس ىستەي الادى – ءانۋار...

قازاق جاستارى اقش-تىڭ كەز كەلگەن ءىرى كومپانياسىندا جۇمىس ىستەي الادى – ءانۋار حامزين

Тарату:

نيۋ-يورك. KazUnite – اقش ۋنيۆەرسيتەتتەرىندە ساپالى ءبىلىم الىپ، الەمدىك كومپانيالاردا قىزمەت ىستەۋ ءۇشىن كەز كەلگەن ادامعا جول اشىق. ول ءۇشىن تالپىنىس قاجەت. قازاقتىڭ تالاي بالاسى مۇنى ناقتى ىسپەن دالەلدەپ ءجۇر. سولاردىڭ ءبىرى – ۇشقىشتار اۋلەتىنىڭ پەرزەنتى ءانۋار حامزين. ول فلوريدا شتاتىنداعى تامپا ۋنيۆەرسيتەتىن جانە ەكى ماگيستراتۋرانى ۇزدىك بىتىرگەن. ونىڭ لوگيستيكاداعى مەنەدجمەنت ماماندىعى بويىنشا ماگيستر دارەجەسى بار. فلوريدا شتاتىنداعى قازاق دياسپوراسى قاۋىمداستىعىنىڭ پرەزيدەنتى. سونىمەن قاتار ول قاتەرلى ىسىكپەن اۋىراتىن ناۋقاستارعا ارنالعان ءدارى-دارمەك شىعاراتىن الەمدەگى ەڭ ءىرى كومپانيالاردىڭ بىرىندە (Pfizer-ءدىڭ امەريكاندىق انالوگى) ءبولىم باسشىسى. شاعىن ۇشاقتاردى باسقارۋعا ليتسەنزياسى دا بار.

۲ جىل قاتارىنان (۲۰۲۱-۲۰۲۲) ماياميدەگى ATP Masters تۋرنيرىندە جانە بيىل فورمۋلا-۱ راۋندىندا امباسسادور بولعان ءانۋار حامزينمەن سۇحبات قۇرۋدىڭ ءساتى ءتۇستى.

– ءانۋار داۋلەتۇلى، ءوزىڭىز تۋرالى قىسقاشا ايتىپ وتسەڭىز.

– اكەم اۆياتسيا سالاسىندا جۇمىس ىستەگەندىكتەن، كوپ كوشىپ-قونىپ جۇردىك. قازاقستاننىڭ وڭتۇستىگىندە، قاراعاندىدا، نۇر-سۇلتاندا تۇردىق. ءوزىم تۋرالى ايتار بولسام، دەنساۋلىعىما ۇلكەن ءمان بەرەمىن. سپورتپەن اينالىسقاندى جاقسى كورەمىن. دۇرىس تاماقتانۋعا تىرىسامىن. جۇمىس پەن جەكە ومىردە بالانس بولۋى كەرەك دەپ ەسەپتەيمىن.

– Private Pilot License ليتسەنزياڭىز بار ەكەن. بۇل ليتسەنزيامەن قانداي ۇشاقتى جۇرگىزۋگە بولادى؟

– نۇر-سۇلتاندا مەملەكەتتىك اۆياتسيالىق ورتالىقتا ۇشقىش ماماندىعى بويىنشا ءبىلىم الدىم. تەوريا مەن پراكتيكا قاتار ءجۇردى. ۇشقىش بولۋ ۇنادى. بولاشاعىمدى اتالعان سالامەن بايلانىستىرامىن دەپ شەشتىم. ۇشقىشتارعا ارنالعان Private Pilot License (PPL) ليتسەنزياسىن الدىم، بىراق بۇل ليتسەنزيا تەك كوممەرتسيانى كوزدەمەيتىن ماقساتتا، ءبىر ماتورلى ۇشاقتى جۇرگىزۋگە عانا مۇمكىندىك بەرەدى. بۇل ليتسەنزيانى اۆياتسيالىق ورتالىق قارجىلاندىردى. ال كوممەرتسيالىق ماقساتتا جولاۋشىلاردى تاسىمالداۋ ءۇشىن Commercial Pilot License (CPL) كاسىبي ۇشقىش ليتسەنزياسىن الۋىم قاجەت. اتالعان ليتسەنزياعا يە بولۋ ءۇشىن قارجى كەرەك بولدى، الايدا اتا-انامدى مىندەتتەمەي، باسقا جولدارىن ىزدەدىم. بىرنەشە باعدارلاماعا تاپسىردىم. ول بويىنشا ۇشقىشتىڭ كومەكشىسى رەتىندە جۇمىس ىستەۋگە بولادى. كومپانيا CPL ليتسەنزياسىن قارجىلاندىرادى جانە جالاقىڭىزدان اي سايىن ليتسەنزياعا جۇمساعان اقشانى ۇستاپ تۇرادى. Lufthansa سەكىلدى ءىرى كومپانياعا قابىلداندىم.

– امەريكاعا قالاي كەلدىڭىز؟

– ۇشقىش بولۋ باستى ماقساتىم بولعاندىقتان، ۇلتتىق بىرىڭعاي تەست تاپسىرمادىم. جازدا ۱۰-۱۱-سىنىپ ارالىعىندا بارلىق وقۋشى تەستكە دايىندالىپ ءجۇردى. مەن ۇبت تاپسىرمايتىندىقتان، مۇعالىم اعىلشىن تىلىنەن وليمپياداعا قاتىسۋدى ۇسىندى. اعىلشىن ءتىلىم ول ۋاقىتتا كەرەمەت بولماسا دا، ۇسىنىستى قابىل الدىم. وليمپيادا بىرنەشە كەزەڭنەن تۇردى. اعىلشىن تىلىندە ماتەماتيكادان تەست تاپسىردىق، گرامماتيكامىزدى تەكسەردى. ءۇشىنشى كەزەڭدە اعىلشىن تىلىندە سۇحبات ءوتتى. سۇحباتتى الەمنىڭ تۇكپىر-تۇكپىرىنەن كەلگەن ون التى ادامنان تۇراتىن كوميسسيا وتكىزدى. اراسىندا گارۆارد، ميچيگاننان كەلگەن كوميسسيا مۇشەلەرى وتىردى. وليمپيادادا ءبىرىنشى ورىن يەلەنگەن ادام گارۆاردقا جولداما الدى. مەن ەكىنشى ورىن الدىم. University of South Florida-دا وقۋ مۇمكىندىگىنە يە بولدىم. اتالعان ۋنيۆەرسيتەت ۇشقىشتاردى دايىندامايدى. سوندىقتان باسقا سالانى تاڭدادىم. باسقا سالاعا كەتكەنىمە وكىنبەيمىن. سەبەبى قازىر ۇشقىش ماماندىعىنا دەگەن كوزقاراسىم وزگەردى.

ۋنيۆەرسيتەتتە وقىپ ءجۇرىپ، كوپ ساياحاتتادىم، ۋنيۆەرسيتەت فۋتبول كومانداسىندا بولدىم، تەننيسپەن اينالىستىم، قازاق ستۋدەنتتەرىنىڭ قاۋىمداستىعىن قۇردىم. وقۋمەن قاتار Pfizer، Fedex، Bristol Myers-تە جۇمىس ىستەدىم. Bristol Myers مەنىڭ MBA وقۋىمدى قارجىلاندىردى. ەكى ماگيسترلىق ديپلومىم بار. جاقىندا عانا ماگيستراتۋرانى اياقتادىم.

– قۇتتى بولسىن! ەندى قانداي جوسپارىڭىز بار؟

– راقمەت! قازىر بىرنەشە كومپانياعا قۇجاتتارىمدى جىبەردىم. ونىڭ ىشىندە Meta كومپانياسى بار. ولار جۇمىسقا شاقىرتۋ جىبەردى. دەسە دە، باسقا كومپانيالارعا دا قۇجاتتارىمدى تاپسىردىم.

– بولاشاقتا قازاقستانعا قايتۋ جوسپاردا بار ما، الدە اقش-تا قالعىڭىز كەلە مە؟

– جاقىن ۋاقىتتا قازاقستانعا قايتامىن دەپ ايتا المايمىن. مۇندا اتقاراتىن ءبىراز جۇمىس بار. بىراق ءتۇبى ەلگە قايتاتىنىم انىق. قازاقستاننىڭ دامۋىنا ۇلەس قوسقىم كەلەدى. اقش-تا العان ءبىلىمىم مەن تاجىريبەمدى ەلدىڭ دامۋىنا قولدانامىن. اقش – ءبىلىم الىپ، ءوز سالاڭ بويىنشا تاجىريبە جيناۋ ءۇشىن تاپتىرماس جەر. الايدا مۇندا بالالارىمدى تاربيەلەگىم كەلمەيدى. سەبەبى امەريكادا مەنتاليتەت مۇلدە باسقا. بالالارىمنىڭ قازاقى تاربيە العانىن قالايمىن. ۇلتتىق قۇندىلىقتاردى بويىنا ءسىڭىرىپ وسكەن بالا ۇلكەنگە قۇرمەت، كىشىگە ىزەت دەگەندى ءبىلىپ وسەدى. وتباسى قۇندىلىقتارىن جاقسى تۇسىنەدى. قازاقستانداعى ورتا ءبىلىم دە اقش-پەن سالىستىرعاندا جاقسىراق. وتباسىم دا قازاقستاندا. ولاردىڭ جانىندا بولعىم كەلەدى.

قازاقستاندا ءبىلىم العان، قازاقى تاربيە كورگەن كەز كەلگەن ادام اقش-تا ءىرى كومپانيالاردا جۇمىس ىستەي الادى. سەبەبى قازاقتاردا وعان قاجەتتى قاسيەتتىڭ بارلىعى بار. ەڭ باستىسى جۇمىسىڭدى جاقسى كورىپ، ونى ماحابباتپەن ىستەسەڭ، جاقسى ناتيجەگە جەتە الاسىڭ. وسى سۇحبات ارقىلى قازاق جاستارى بۇل ومىردە ءبارى مۇمكىن ەكەنىن جانە شىن قالاسا كەز كەلگەن كومپانيادا جۇمىس ىستەي الاتىنىن، كەز كەلگەن وقۋ ورنىندا ءبىلىم الا الاتىنىن تۇسىنسە ەكەن دەيمىن. ەگەر ءبىر ادام بولسا دا، وسى سۇحباتتى وقىعاننان كەيىن قورقىنىشىن جەڭىپ، العا ءىرى ماقسات قويسا، مەنىڭ ماقساتىمنىڭ ورىندالعانى دەپ بىلەمىن.

– سۇحباتىڭىزعا راقمەت! ساتتىلىك سەرىگىڭىز بولسىن!

سۇحباتتاسقان اسەم المۇحانبەت

Тарату:

Соңғы жазбалар

“New York Fashion Week-۲۰۲۴” حالىقارالىق ءسان كورسەتىلىمىندە قازاقستاننىڭ ءانۇرانى شىرقالدى

0
نيۋ-يورك قالاسىنداعى "Leman Ballroom" زالىندا "New York Fashion Week-۲۰۲۴" حالىقارالىق ءسان كورسەتىلىمىنىڭ ۱۶-ماۋسىمى اشىلۋىندا قازاقستاندىق ديزاينەردىڭ ۇلتتىق ءسان ۇلگىلەرى ۇسىنىلىپ، قازاق ءانشىسى ونەر كورسەتتى،...

قىلمىس الەمىنىڭ سەركەسى – “وكىل اكە”

0
نيۋ-يورك. KazUnite – "ەڭ ۇزدىك ۱۰۰ دەتەكتيۆتىك روماندار" تىزىمىنە ەنگەن امەريكالىق جازۋشى ماريو پيۋزونىڭ "وكىل اكە" رومانىنا شولۋدى وقىرمان نازارىنا ۇسىنامىز. ومىردە نە السىزدەردىڭ، نە...

ۇرسۇلتان نازارباەۆ پارلامەنت ءماجىلىسى مەن ءماسليحاتتار دەپۋتاتتارىن سايلاۋ راسىمىنە قاتىستى

0
استانا. KazUnite – نۇرسۇلتان نازارباەۆ "استانا وپەرا" مەملەكەتتىك وپەرا جانە بالەت تەاترى عيماراتىندا قازاقستان رەسپۋبليكاسىنىڭ پارلامەنت ءماجىلىسى مەن ءماسليحاتتار سايلاۋىندا داۋىس بەردى. داۋىس بەرۋ راسىمىنەن...

سەمەيدە ۳۲ كوپپاتەرلى ءۇيدىڭ قاسبەتى جوندەلەدى

0
سەمەي. KazUnite – سەمەيدە ۳۲ كوپپاتەرلى ءۇيدىڭ قاسبەتى جوندەلەدى. بۇل تۋرالى سەمەي قالاسىنىڭ اكىمى نۇربول نۇرساعاتوۆ قالا تۇرعىندارىمەن وتكەن كەزدەسۋىندە مالىمدەدى. "بيىل قالا اكىمدىگى قالانىڭ...

قر پرەزيەنتى اقش مەملەكەتتىك حاتشىسى ەنتوني بلينكەندى قابىلدادى

0
استانا. KazUnite – قازاقستان پرەزيدەنتى قاسىم-جومارت توقاەۆ استاناعا رەسمي ساپارمەن كەلگەن اقش-تىڭ مەملەكەتتىك حاتشىسى ەنتوني بلينكەندى قابىلدادى. بۇل تۋرالى اقوردا جاريالادى. مەملەكەت باسشىسى امەريكالىق ديپلوماتقا...