موتيۆاتسياادامدارعا قۋانىش سىيلايتىن كاسىپكەر

ادامدارعا قۋانىش سىيلايتىن كاسىپكەر

Тарату:

نيۋ-يورك. KazUnite – مۇحيتتىڭ جاعاسىندا بالمۇزداق ساتىپ تۇرعان ءتۇرلى ءتۇستى كولىك الىستان مەنمۇڭدالاپ تۇر. بالمۇزداق ساتۋشى ىستىق كۇنى قايىر سۇراپ جۇرگەن كىسىگە ۇلكەن بالمۇزداقتى سىيعا بەرىپ جاتىر.

كوشە كەزىپ جۇرگەن ادام قولىنا بالمۇزداقتى العاندا قۋانىشتان جايناپ سالا بەردى. ساتۋشىدا دا ءبىر ادامعا جاقسىلىق جاساعانىنا ءدان ريزا. بالمۇزداق ساتىپ، ەلدى قۋانىشقا بولەپ جۇرگەن كىم ەكەنىن بىلگىم كەلىپ كەتكەنى. ساتۋشىنى سوزگە تارتىپ كورەيىن دەدىم.

ءوزىن “گريشا اعا” دەپ تانىستىرعان بالمۇزداق ساتۋشى الپىستى القىمداعان ەكەن. جۇزىنەن مەيىرىم توگىلىپ تۇرعان گريشا اعانىڭ بالمۇزداق كاسىبىمەن اينالىسقانىنا بيىل ۲۷ جىل بولىپتى. ول اقش-قا ۱۹۹۴ جىلى كوشىپ كەلىپتى. ۱۹۹۵ جىلى بالمۇزداق ساتا باستاعان. سودان بەرى گريشا اعايدىڭ ءوز قولىمەن دايىنداعان ءدامدى بالمۇزداعىنان ەڭبەكتەگەن بالادان ەڭكەيگەن قارياعا دەيىن ءدام تاتىپ ءجۇر. اراسىندا ءۇيسىز، كۇيسىز جۇرگەندەرگە، بالمۇزداققا قىزىعا قاراپ تۇرعان بالاعا تەگىن بەرەدى. گريشا اعاي ماعان دا ءبىر ەمەس، ەكى بالمۇزداعىن ۇسىندى. بالمۇزداقتىڭ ءدامى ءتىل ۇيىرەدى.

“بۇرىن بالمۇزداق كاسىبىن اشۋ وڭايىراق بولاتىن. قازىر ونىڭ جۇمىسى كوپ. كوپتەگەن جەردەن رۇقسات الۋ كەرەك. بارلىعىن بۇگە-شۇگەسىنە دەيىن تەكسەرگەننەن كەيىن عانا رۇقسات بەرەدى”، – دەيدى ول.

بالمۇزداق دەگەندە ادامدا باقىت گورمونى بولىنەدى، جازدىڭ جايماشۋاق كۇنى، دەمالىس، قامسىز بالالىق شاق ەسكە تۇسەدى. مەن دە بىرنەشە ساعات بولسا دا گريشا اعاي سەكىلدى بالمۇزداق ساتىپ، ادامدارعا قۋانىش سىيلاعىم كەلدى. گريشا اعاي دا قارسى بولمادى.

گريشا اعايدىڭ جۇمىس ورنىنا، ياعني اۆتوبۋسقا كىردىم. كىشىگىرىم اۆتوبۋستىڭ ءىشى قۇددى بالمۇزداق دايىندايتىن فابريكا ىسپەتتەس. ءتۇرلى ماشينا، بالمۇزداققا قوساتىن تاتتىلەر، ءتۇرلى-ءتۇستى ءشاربات كوزدىڭ جاۋىن الادى. گريشا اعاي بالمۇزداق جاساماس بۇرىن تاڭ اتپاي ونىڭ ءبارىن ساتىپ الادى. قۇرال-سايماندارىن سايلاپ، دايىنداعاننان كەيىن ادامداردىڭ سۇراعان بالمۇزداعىن جاساۋعا كىرىسەدى.

گريشا اعايدىڭ ەستە ساقتاۋ قابىلەتى مەن بىرنەشە ءىستى ءبىر ۋاقىتتا قاتار ىستەي الاتىنى تاڭعالدىردى. ءبىر توپ بالا شۋلاسىپ جان جاقتان ءتۇرلى بالمۇزداققا تاپسىرىس بەرىپ جاتتى. گريشا اعاي بالمۇزداق جاساپ جاتىپ، ءبىر ۋاقىتتا تاپسىرىس قابىلداپ، شاتاستىرماي كىشكەنتاي تۇتىنۋشىلارعا بالمۇزداق باعاسىن ايتىپ ۇلگەردى. وتىز جىلعا جۋىق بالمۇزداق ساتۋمەن اينالىسىپ جۇرگەنى شاپشاڭدىعىنان، ءىس-قيمىلىنان بىلىنەدى. بالمۇزداق جاساۋ، تۇتىنۋشىلارمەن دۇرىس كوممۋنيكاتسيا قۇرۋ بويىنشا كاسىبي دەڭگەيگە جەتكەن.

قولىمنان كەلگەنشە كومەكتەسۋگە تىرىستىم. بالمۇزداقتى قۇيۋدى ۇيرەندىم، بىراق گريشا اعايدىكىندەي بولمادى. ول “وعان ۋاقىت پەن تاجىريبە كەرەك” – دەپ قولداۋ ءبىلدىردى.

ماعان بۇل جۇمىستىڭ ەڭ ۇناعان تۇسى – بالالاردىڭ بالمۇزداقتى قولعا العانداعى قۋانىشىن كورۋ. ءتىپتى تاپسىرىس بەرگەندە دە تاڭداۋ جاساپ، بالمۇزداققا قانداي ءتاتتىنى قوسۋ كەرەكتىگىن ايتىپ جاتقاندا دا كوزدەرىنەن قۋانىشتى بايقايسىڭ. بىرنەشە ساعات بولسا دا، گريشا اعايمەن بىرگە جۇمىس ىستەپ، بالمۇزداق ساتۋ ىسىمەن جاقىنىراق تانىستىم. كەرەمەت ەموتسيا الدىم.

Тарату:

Соңғы жазбалар

قازاقتارعا عانا قۇشاعىن اشقان امەريكالىق بالا

0
نيۋ-يورك. KazUnite – لاس-ۆەگاس اۋەجايىندا ديماش قۇدايبەرگەنمەن كەزدەسكەن امەريكالىق جانكۇيەرلەردىڭ اراسىنداعى قازاق ءانشىسىنىڭ مەيىرىمىنە بولەنگەن گابريەل ەسىمدى ۇل بالانى قازاقتارمەن نەندەي تىلسىم بايلانىستىرۋى مۇمكىن؟ بۇعان...

لاس-ۆەگاستاعى كەزدەسۋ: ۹ جاسىندا ديماشتىڭ اندەرىن تىڭداپ، ءتىلى شىققان گابريەل

0
لاس-ۆەگاس. KazUnite – تورتكۇل دۇنيە كوز تىككەن كاسىپقوي بوكسشىلار گەنناديي گولوۆكين مەن ساۋل الۆارەستىڭ تەڭدەسىز تريلوگياسىندا قازاقستاننىڭ ءانۇرانىن شىرقاۋعا ارنايى بارعان قازاق ءانشىسى ديماش...

ساۋدانىڭ ءتىلى نەگە ورىس ءتىلى؟

0
نۇر-سۇلتان. KazUnite – ەلىمىزدە بيزنەستىڭ ءتىلى نەگە ورىسشا؟ بۇل ماسەلە ءالى كۇنگە دەيىن وزەكتى. ساۋدا سالاسىنداعى ءتىل پروبلەماسىن قوعامنىڭ وزىنە اناليز جاساتۋ ءۇشىن KazUnite...

تۇركيادا “قaزiرگi موڭعوليا قaزaق اڭگiمەسi” اتتى كىتاپ جارىق كوردى

0
تۇركيا. KazUnite – تۇركيادa “GÜNÜMÜZ MOĞOLİSTAN KAZAK ÖYKÜSÜ” ("قaزiرگi موڭعوليا قaزaق اڭگiمەسi") اتتى كiتaپ جaرىق كوردi. بۇل تۋرالى kaznews.mn اقپارات اگەنتتىگى جاريالادى. "HECE" ("Xەجە") بaسپaسىنaن...

ءسان يندۋسترياسى: جىلىنا ۹۲ ملن توننا كيىم قوقىسقا كەتەدى

الماتى. قازاقستاندىقتار تۇتىنعان ەسكى زاتتارىن، كيىمدەرىن قايدا جىبەرەدى؟ ەسكى كيىمدەردى قابىلدايتىن ورىندار بار ما؟ جالپى قايتا وڭدەۋ جايىندا تۇرعىندار بىلە مە؟ KazUnite//اينۇر مۇراتوۆا وسى...